Улаанбаатар самрт карт компаниас өнөөдөр автобусны U-Money картыг гар утсаараа цэнэглэх боломжтой болсон талаар мэдээлэл хийлээ.
Нийслэлийн нийтийн тээвэрт цахим төлбөрийн систем нэвтрээд зургаа дахь жилдээ орж байна.
Өнөөдөр иргэд өөрсдийн гар утсаараа U-Money артаа цэнэглэх боломжтой 201б онд Mobicom, Unitel, Skytel компаниудтай хамтраад NFC сим, 2017 онд Хаан банктай хамтраад данстай холбогдсон цэнэглэх шаардлагагүй сити пасс картын үйлчилгээ, хугацааатай картын үйлчилгээ нэвтрүүлж ирсэн.
2019, 2020 онд финтекийн үйлчилгээ, кассын программ болон посын үйлчилгээ үзүүлж байгаа компаниудтай хамтраад бэлэн болон бэлэн бусаар карт цэнэглэх үйлчилгээ нэвтрүүлсэн. Нийслэл даяар карт цэнэглэх, борлуулах 1000 гаруй цэг үйл ажиллагаа явуулж байна.
Өнөөдөр бид нэгэн шинэ үйлчилгээ нэвтрүүлж байна. Иргэд ухаалаг гар утсаараа U-Money картаа цэнэглэх боломжтой болж байна. Өмнө нь зөвхөн гэрээт цэгээр цэнэглэдэг байсан бол одоо хэзээ ч хаанаас ч банкны картаараа ямар ч төлбөр шимтгэлгүйгээр цэнэглэх үйлчилгээ өнөөдөр албан ёсоор нэвтрүүлж байна.
Улаанбаатар смарт карт компанийн ерөнхий захирал Шин Ду Ү:
“Коронавирусийн цар тахлын хүнд хэцүү нөхцөл байдлын үед нийтийн тээврээр зорчдог иргэдийг томуу болон томуу төст өвчнөөс урьдчилан сэргийлэх, нийтийн тээврийн хэрэглээг хялбарчлах, U-Money картын цэнэглэлтийг хялбар болгох үүднээс High Payment solutions компанитай хамтран мобайл цэнэглэлтийн үйлчилгээг нэвтрүүлж байгаагаа танилцуулахад таатай байна.
Өнөөдөр бид U-Money картыг гар утсаараа цэнэглэх боломжтой үйлчилгээнийхээ албан ёсны нээлтийг хийж байна. Ингэснээр иргэд хэзээ ч хаана ч картаа цэнэглэх боломжтой ба U-Money картад үүсч байгаа хүндрэлүүдийг үүгээр шийдвэрлэж байна. Манай копмани УБ хотын иргэдэд U-Money картыг зөвхөн нийтийн тээврийн үйлчилгээний төлбөр тооцоонд ашиглаад зогсохгүй өдөр тутмын амьдралд зайлшгүй шаардлагатай төлбөрийн хэрэгсэл байлгахын тулд одоогоор үүлэн технологид суурилсан QR төлбөр тооцооны шийдлийг багтаасан төлбөрийн аргачлалуудыг багтаасан U-Money Pay үйлчилгээ нэвтрүүлэх талаар судалгааны ажлуудыг хийж байна. ” гэлээ.
High Payment solutions компанийн гүйцэтгэх захирал Б.Наранбат:
“U-Money картыг гар утсаараа хэрхэн цэнэглэх аргачлалыг гар утсан дээр үзүүлье. Hi-Pay Wallet аппликейшнийг AppStore болон PlayStore-оос татаж аваад арилжааны банкны дурын картыг холбох боломжтой. Ингэснээр нэг удаа пин код хийгээд дахиж пин код хийх шаардлагагүй. Гар утсандаа биет картыг виртуал карт болгон холбосныхоо дараа U-Money картыг цэнэглэх боломжтой.
Аппликейшний голд байршиж байгаа U-Money картаа цэнэглээрэй хэсэгт дарна. Ингээд картаа утасныхаа ар талын NFC уншигч хэсэгт байршуулна. Ингэснээр картанд хэзээ автобусанд суусан мэдээллүүд байршина. Цэнэглэх хэсэгт дараад үнийн дүнгээ 5000 төгрөг гэж оруулаад цэнэглэнэ. Ингээд хормын дотор цэнэглэгдчихлээ.
Энэ карт өөрөө NFC технологитой байдаг. Сүүлийн үеийн буюу 2014 оноос хойш хийгдсэн iPhone 6 болон Samsung Galaxy S3 утаснаас хойших загварууд өөр дээрээ NFC уншдаг төхөөрөмж гар утасны хойно суурилсан байдаг. Утасныхаа ард NFC картаа барьж уншуулахад дотор нь хэдэн төгрөг байгаа нь харагдана гэсэн үг” гэлээ.
Тэрбээр цааш нь “Манай аппликейшныг ашиглаад бидний зааварчилгааг үзсэнээрээ 100 төгрөг бэлгэнд авах, 20 найзаа урьснаар 2000 төгрөг дансанд авах боломжтой. Хэрэглэгч болсон даруйд 2100 төгрөг өгнө. Ингэснээр 300 төгрөгийн троллейбусанд 7 удаагийн аялал хийх нөхцөл бүрдүүлж байгаа юм. Мөн Улаанбаатар смарт карт компанитай хамтраад сугалаат аян явуулж байна. 7 хоног болгон U-Money картаараа нэгхэн удаа цэнэглэсэн хэрэглэгч болгондоо бид автоматаар сугалаа өгнө. 7 хоног болгон 5 азтанг бүтэн жил автобусаар үнэгүй аялах эрхээр шагнаж байна. Нийтдээ 10 долоо хоногийн турш 50 азтан шалгаруулж бүтэн жил автобусаар үнэгүй зорчих эрхээр шагнана. Энэ сугалаанд оролцохын тулд иргэд 7 хоногт нэг удаа ямар нэгэн үнийн дүн харгалзахгүйгээр U-Money картаа Hi-Pay аппликейшнээр цэнэглээд сугалаанд оролцох боломжтой” гэлээ.
