Хөл хорионы өдрүүдэд бидэнд тун ч их хань болж буй “Netflix”-ийн сүүлийн үеийн сонирхолтой кинонуудыг та бүхэндээ хуваалцах гэж байна. Юу үзэхээ хараахан мэдэхгүй байсан бол энэ тус болно гэдэгт итгэлтэй байна.
1. The Call
Энэ бол одоо трэнд болж буй солонгос кино юм. Нууцлаг үйл явдал, айдас, аллагын тухай зүрх түгшээм энэ кино танд гүн сэтгэгдэл үлдээж, айдаст автуулах болно.
2. The Queen’s Gambit
Та хэрвээ богино цуврал кино үзмээр байвал энэ киног сонгоорой. Шатар тоглож чаддаггүй байлаа ч энэ киног үзээд та маш гайхалтай мэдрэмж авна. Бүр сурахыг хүсэж ч мэднэ.
3. The Umbrella Academy
Жүжигчин Эллиот Пейж өөрийгөө трансжендэр хэмээн зарласантай холбоотойгоор түүний тоглосон энэ цуврал сүүлийн үед дахиад олон хүнийг татаж эхлээд байна. Гуравдугаар бүлэг гарах хүртэл та үзээд, сэтгэл догдлон хүлээгээрэй.
4. Don’t Listen
Саяхан нэмэгдсэн энэ киног олон хүн сонирхож үзэж байна. Хэн нэгний тусламж дуудах, эсвэл хачин дуугарах чимээг тасралтгүй сонссоор л байвал яах вэ?
5. If Anything Happens I Love You
Энэ богино хэмжээний анимейшн таныг уйлуулна гэдэгт итгэлтэй байна. АНУ-д нэгэн сургуульд болсон галт зэвсгийн халдлагын үеэр амиа алдсан хүүхдийн эцэг эхийн өнцгөөс харуулах бөгөөд хүүхдээ алдсаны дараах амьдралыг харуулна.
6. His House
Хэрэв та “Get Out”, “Us” зэрэг кинонуудад дуртай, дахиад түүнтэй адил кино үзмээр байвал үүнийг сонгоорой. Киноны эргэлт танд үнэхээр сэтгэгдэл үлдээнэ.
7. The Devill All the Time
Олон алдартай жүжигчдийн цуглуулга, намар нээлтээ хийсэн цагаасаа хойш олон ч хүний дуртай кино болоод буй сонирхолтой бүтээл.
8. Klaus
Шинэ жилийн баяр ойртож байгаа энэ цаг үед ийм төрлийн киноны хандалт эрс нэмэгддэг билээ. Та уур амьсгал оруулахыг хүсвэл эхлээд энэ киног үзээрэй.
9. Mosul
Адал явдалт, тулаант төрлийн энэ кино таныг тулааны гол цэгт аваачиж, хором бүрийг адал явдлаар дүүргэхээс гадна бас өгч буй мессежээрээ сэтгэлд гүн үлдэнэ.
