Цар тахлын үед хууль дүрэм зөрчсөн гэж үзэж болохуйц асуудлуудаар хуулийн байгууллагад хандаж байна. Хамгийн сүүлд БЗД-ийн эмнэлэгт үүссэн нөхцөл байдалтай холбогдуулан цагдаагийн байгууллагад хандсан хэмээн Шадар сайд Я.Содбаатар хэллээ.
“Хувьчлагдсан хувийн эмнэлэг халдвар хамгааллын дэглэмийг сахиагүй. Мөн зарим нэг иргэдийг бүртгэлд оруулаагүй нь улмаас голомт бид нарын тооцсон хугацаанд хумигдахгүй байх, халдвартай иргэд нийтийн дунд явж байж болох нөхцөл байдал үүссэн учир шалгалт оруулахаар цагдаагийн байгууллагад хандсан. Цагдаагийн байгууллагаас надад өгсөн мэдээллээр хэрэг үүсгэн ажиллаж байна. Энэ асуудал шийдэгдэх байх.
Мөн Энхсаран сувиллын асуудалтай холбогдуулан цагдаагийн байгууллагад хүсэлтээ явуулсан. Энхсаран сувилалд халдвар хамгааллын дэглэм алдагдсан, зарим нэг хүмүүсийн албан тушаалтай холбоотойгоор АТГ-т хэрэг нь хоёр хуваагдаад явж байна. Ойрын үед шүүх, прокурорын шатанд шилжих байх” гэлээ.
