УИХ-ын Хууль зүйн байнгын хорооны өнөөдрийн /2021.06.15/ ээлжит хуралдаан үргэлжилж байна. Хуралдаанаар Монгол Улсын Шүүхийн тухай хуулийн хэрэгжилтийг хангах үүрэг бүхий Ажлын хэсгийн танилцуулгыг сонсож байна.
Энэ үеэр УИХ-ын гишүүн Б.Энхбаяр “Ажлын хэсгийн оруулж ирсэн тогтоолын төлсийг дэмжиж байна. Үндсэн хуулийн Цэцээс болж шүүхийн шинэчлэл, реформ гацчихаад байна. Тиймээс энэ асуудлыг Үндсэн хуулийн Цэц анхааралдаа авч, Их суудлын хуралдаанаа хийгээч ээ гэдгийг хүсэх байна. Шүүхийн ерөнхий зөвлөл ажиллах бололцоогүй, хуучин нь байгаа эсэх нь тодорхойгүй байна. МАН-ынхан У.Хүрэлсүхдээ хонгилын түлхүүрийг гардуулах гэж байгаа юм шиг хардлага байна. Үүнтэй санал нийлэхгүй байна. Шүүхийн шинэчлэлийг хэн нэгэн хувь хүнд эрх мэдлийг атгуулах гэж хийгээгүй. Анхнаас нь хийхдээ хувь хүн биш хууль засаглахын төлөө гэж хийсэн. Хэнд ч хуулиас давсан, гажсан эрх мэдлийг олгохгүй. Үндсэн хуулийн Цэц энэ асуудлыг яаралтай авч хэлэлцэх хэрэгтэй байна” хэмээн байр сууриа илэрхийллээ.
Харин УИХ-ын гишүүн Н.Алтанхуяг “Та хэд чинь олонх болоод ч хууль нь явдаггүй болсон уу. УИХ чинь улстөржсөн байгууллага. Янз бүрийн зүйл болохвий гэж болгоомжилж байсан. МАН доторх МАНАН бүлэглэл чинь тоглож байна шүү дээ. С.Бямбацогт чамайг Ажлын хэсгийг битгий ахал гэхэд ахалсан. Шүүхийн шинэчлэлийг дампууруулж л байна даа. Монголын төр л хохирно. Үндсэн хуулийн Цэцийн үйл ажиллагааг журамлах, цэгцтэй болгож өгөх хэрэгтэй байна. Үзэмжээрээ асуудалд хандаж болохгүй. Энэ Үндсэн хуулийн Цэц чинь асуудлыг авч хэлэлцэхээрээ үзэмжээрээ ханддаг. Одоо бид баталсан хуулиа өөрчлөх гээд сууж байна шүү дээ, ингэж болохгүй. Тэнд чинь улстөржсөн хэдэн хүн очоод суучихсан. Уг нь, тэнд хуулийн өндөр мэдлэгтэй, ёсзүйтэй хүн байж байж байгууллага шиг байгууллага болно” гэж ярилаа.
Тэгвэл УИХ дахь АН-ын бүлгийн дарга Д.Ганбат “Санамсаргүй тохиолдол гэж байхгүй байх аа. Санамсаргүй гэж бодохгүй байна. Өнөөдрийг хүртэл харлаа, сонгууль ч дууслаа. Халдварын нөхцөл байдал чинь багасахгүй байна. Өөрсдөө ч амалсан. Халдвар хяналтгүй боллоо. Үндсэн хуулийн нэмэлт өөрчлөлтөөр шүүхийг хараат болгох алхмыг хийчихлээ. Нэг дэвшил гарлаа гэж харж, найдаж байсан. Үүнийгээ тохиолдлын гэж үзэж байна уу, цаашид явах юм уу яах юм. Монголлд амьдах хэцүү боллоо. Халдвартай тулдаа л Монголдоо байцгааж байх шиг байна. Бүгд зугтаад явахаар боллоо шүү дээ. Монголын хамгийн сүүлчийн хүн Буянт-Ухаагийн гэрлийг унтраагаад явбэл явахаар болчихлоо. УИХ ажлаа хийхгүй байна, хийж чадахгүй байна. Хуулийн хэрэгжилтийг шахаж, шаарддаг зүйл ч байхгүй боллоо” гэх байр суурийг илэрхийлэв.
