Өдөр тутмын сонинд мөнгө төлбөл юу ч нийтлэж болдог уу

\”Монголд Өдрийн
сонин л үнэнийг хэлж чаддаг” гэх толгойтой Өдрийн сонин бол Монголчуудын уншдаг
хамгийн эрэлт ихтэй сонингийн нэг. Мэдээж төлбөртэй нийтлэл, ярилцлага байдаг ч
гэсэн төвийг сахисан томоохон хэвлэл. Гэтэл сүүлийн үед \”реклам сурталчилгааны
бодит үнэнийг зарлуулсан тал бүрэн хариуцна” гэдэгтэй утга дүйн үл ойлгогдох
мэдээлэл мэр сэр тавигдах болсон. Зай талбайгаа үнэд хүргэж л байвал хэн юу гэж
бичих нь үнэхээр хамаагүй байж болох уу?

Ямар нэгэн ёс
зүй, хэм хэмжээтэй байх ёстой. Хэн нэгэнд хандсан бус нийт Монголын ард түмэнд
хандсан сонин байж элдэв гаднаас ирсэн төлбөрт реклам гэсэн ойлголтоор ямар ч
хамаагүй, утгагүй, утга санаа нь бүрэн илэрхийлэгдээгүй зүйл гаргахаа зогсоох
хэрэгтэй. Өдий хүртэл иргэдэд таалагдан ирчихээд одоо жижиг алдаанаас
болгоомжилж уншигчдаа алдахгүй байх ёстой хэрэг биш үү. Нэгэн жишээ дурдая: өнөөдрийн
дугаарт л гэхэд Тэнгэр эцэг, Мөнх хөх тэнгэрийн Шүтлэгтний холбоо гэсэн нэртэй
байгууллагын Мөнх Хөх Тэнгэр Эцгээс түмэн
олон Монголчууддаа зарлан тунхаглах нь гэсэн гарчигтай 4/1 хэмжээтэй \”материал\” байх юм. Доторх агуулга утга санаа гэх зүйл алга. Та нэг уншаад лав
ойлгохгүй. Дахин уншаад ч ойлгохооргүй. Ямар ч сэтгүүл зүйн туслалцаа үзүүлээгүй
бэлэн ирсэн реклам төдийхөн.

Үүнээс харахад Чингис
хаан үг хэлээд байгаа юмуу, ТББ-ынхан үг хэлээд байгаа юмуу, ямар нэгэн сайн дурын
нийгэмлэг айлгах гээд байна уу гэлтэй. Дэлхий орших эс оршихын заагт байгааг
илэрхийлээд байна уу, Манай улс төрчдийн буруу үйлийг шүүмжлээд байх шиг, хүйтэн өвөл
болохыг сануулаад байх шиг /үүнийг Оросууд батлан хэлээд байгаа/, дахин нэгдэж
дэлхийг эзлэх гээд байгаа юмуу бүү мэд. Яг ямар утгатайгаар хэнд юу хэлэх гэсэн
нь тодорхойгүй юм. Мөн \”та бүхний амьдрал
зөвхөн та нараас шалтгаална” гэсэн дэндүү ойлгомжтой нэг өгүүлбэр бий. Бослогод уриалан дуудсан өнгө аястай, найруулга зүйн алдаатай энэхүү \”материал\”-д итгэн үнэмшиж байгаа Тэнгэр Эцгээ хүндэлдэг иргэд \”босох\” ёстой болж байна уу? Үүнд
сэтгүүл зүйн анхан шатны ч дэмжлэг алга. Өдөр тутмын сонин өөрсдийн ёс зүй,
мэргэжлийн онцлогоороо үүнийг нь засаж найруулж болоогүй хэрэг үү? Сэтгүүл зүйд
ийм эрх байхгүй гэж ойлгох уу?

Үүнийг бүрэн
эхээр нь танд хүргье. Та нэгийг тунгааж, хоёрыг бодно биз.

$\"\"$