Хуванцар савны ёроолд байдаг тэмдэглэгээ ямар учиртайг мэдэх үү?

Та ус худалдан авахдаа савных нь ёроолд байгаа тэмдэглэгээг анхаарч байсан уу. Хуванцар сав нь ямар төрлийн хуванцраар хийгдсэнээс хамааран шошго болон тэмдэглэгээтэй байдаг. Энэхүү мэдээлэл нь маш чухал юм.

Дурын нэг хуванцар сав нь эрүүл мэндэд хортой байдлын зэргээрээ янз бүр байх химийн бодисуудыг агуулж байдаг. Хуванцар савнуудад дараах тэмдэглэгээнүүдтэй байдаг.

РЕТ эсвэл РЕТЕ /Polyethylene terephthalate/

РЕТЕ нь нэг удаагийн хуванцар гэдгийг илтгэнэ. Ийм тэмдэглэгээтэй сав нь хүнд металлыг шингэн хэлбэрээр ялгаруулдаг төдийгүй хүний дааврын тэнцвэрт муугаар нөлөөлөх бодисыг ч бас ялгаруулдаг байна.

РЕТ нь хуванцарын төрлүүдээс дэлхийд хамгийн түгээмэл ашиглагддаг нь юм. Энэ нь бас л нэг удаагийн хэрэглээнд зориулсан гэдгийг мартаж болохгүй. Хэрэв та ийм тэмдэглэгээтэй саванд усаа хадгалан хэрэглэвэл таны биед шүлтийн элементүүд үүсч, нян их хэмжээгээр үржих болно.

HDP эсвэл HDPE /High-density polyethylene/

Энэ нь маш сайн чанарын хуванцар бөгөөд ямар ч хортой бодис ялгаруулдаггүй. Ийм саванд усаа хадгалж болно хэмээн мэргэжилтнүүд зөвлөж байна. Аюулгүй, дээр нь байгаль орчинд ээлтэй, дахин боловсруулагддаг хуванцарууд ажээ.

Энэхүү хатуу хуванцарыг сүү, тоглоом, угаалгын бодис хадгалахад ашиглах ба үйлдвэрлэлд үүнийг хуванцар уут хэлбэрээр ч ашигладаг байна.

PVC эсвэл V /Polyvinyl chloride/

Дээр тэмдэглэгээтэй хуванцараар хийсэн эд, эдлэлүүд нь аюултай, хортой химийн бодисыг бага хэмжээгээр ялгаруулдаг. Ийм тэмдэглэгээтэй хоёр төрлийн хуванцар нь таны дааврын тэнцвэрт сөргөөр нөлөөлдөг аж. Ийм төрлийн хуванцар нь зөөлөн, уян байхаас гадна түүнд ихэвчлэн ургамлын тос, хүүхдийн тоглоом зэргийг хадгалдаг. Мөн үүгээр тоо томшгүй, олон тооны хэрэглээний бараа, бүтээгдэхүүний савыг хийдэг. Түүнчлэн компьютерын кабелийн утасны бүрээс, хуванцар хоолой, сантехникийн жижиг хэрэгслүүдийг хийдэг байна. 

PVC нь нарны шууд тусгал болон цаг агаарт харьцангуй тэсвэртэй учраас түүгээр цонхны хүрээ болон ногооны талбайд ашигладаг шланк буюу хоолойг хийдэг. Болж өгвөл таныг ийм тэмдэглэгээтэй савыг худалдан авахаас татгалзах хэрэгтэй хэмээн судлаачид зөвлөж байна.