Владивосток хотод болсон Дэлхийн эдийн засгийн форумын ачаар 2021 оны 10 сарын 30-нд “Green Flow Baikal ” орчин үеийн зочид буудал цогцолборын барилгын талбайн ажил нээгдсэн юм. Буриад улсын тэргүүн А.С Цыденов Байгал нуурын бүс нутгийн хөрөнгө оруулалтын сонирхол нэмэгдэж байгаатай холбогдуулан Оросын холбооны улсын томоохон банкнуудын (Сбербанк, ВТБ, Открытие) төлөөлөгчтэй Эдийн засгийн онцгой бүс болох “Байкальская гавань “-д аялал жуулчлалын дэд бүтцийг барих төсөлд оролцох боломжийн талаар хэлэлцээ хийлээ.
Банкны төлөөлөгчид Байгал нуурын бүсэд дэлхийн жишигт нийцсэн аялал жуулчлалын байгууламжийг бий болгоход эдийн засгийн боломж байгааг харж байгаа бөгөөд мөн үнд оролцохыг Өмнөд Солонгосын бизнесийн төлөөлөгчид сонирхож байна. Энэ төсөлд Монголын хэд хэдэн томоохон аж ахуйн нэгжүүд дэд бүтцийн төслүүдээд оролцох сонирхолтой байна. Монгол төрөлхтний ариун нандин Байгал нуурын энэ төслийг бизнесийн төлөөлөгчид ихээр сонирхож байгаа нь Оросын Холбооны Улсын Алс Дорнод дахь хөрөнгө оруулалтын бодлоготой холбоотой юм.
Буриад улс нь Алс Дорнодын холбооны тойрогт оруулснаар хөрөнгө оруулагчдад хөнгөлөлттэй нөхцөлөөр томоохон төслүүдийг хэрэгжүүлэхэд боломжтой болж байна. Үүнд:
– Төрийн дэмжлэг
– Хөнгөлөлттэй санхүүжилт
– Захиргааны хялбаршуулсан горим
– Тендергүйгээр газар олгох
Бизнес эрхлэхэд үнэ төлбөргүй хөрөнгө оруулалт хийх боломжуудыг тусгаж байна.
Эдийн засгийн онцгой бүс болох “Байкальская гавань”-д Солонгос улсын томоохон компани хөрөнгө оруулалтын төсөл хэрэгжүүлж байгааг тэмдэглэхийг зүйтэй. Энэ төсөлд Монгол улсын нэг нэртэй санхүүгийн компани (нэрийг нь зарлаагүй байна) хамтран хөрөнгө оруулагчаар орж ирэх бүрэн боломжтой.
