КОВИД-19 вирүсийн Омикрон хувилбар дэлхийн улс орнуудыг сандаргаж байна. Манай улс ч энэ вирүсийн эсрэг чиглэсэн арга хэмжээнүүдийг авахаар бэлтгэж ажлаа хангаж, хилээр орж ирж буй бүх иргэдээс шинжилгээ авах, гурван хоног тусгаарлах, Омикрон илэрсэн орноос ирж буй иргэдийг 10 хоног тусгаарлах зэрэг үйл ажиллагааг явуулж эхэллээ. Гэсэн ч омикрон вирүс нь түргэвчилсэн оношлуураар илрэхгүй байгаа учир заавал PCR шинжилгээний төхөөрөмж буюу лабораторийн түвшинд шинжилж байж илрүүлэх шаардлага тулгарч байна. Өөрөөр хэлбэл хилээр нэвтэрч буй иргэдээс түргэвчилсэн оношлуураар шинжилгээ авч ОМИКРОН хувилбарыг илрүүлэх боломжгүй гэдгийг мэргэжлийн хүмүүс хэлж байгаа юм.
Үүнээс шалтгаалан хил дээр яаралтай шинжилгээний хариуг гаргадаг шинэ үеийн төхөөрөмжүүд шаардлагатай болоод байна.
Тэгвэл БНСУ-ын “Жидакс” группийн хөрөнгө оруулалттай “Альфа Доктор Мед” ХХК КОВИД-19 вирүсийг 45 минутанд илрүүлдэг био чеп дээр суурилсан төхөөрөмжийг оруулж ирэн боомтуудад байрлуулан ашиглах төслийг хэрэгжүүлэхээр ажиллаж байна.
“Альфа Доктор Мед” ХХК нь энэхүү төхөөрөмжөө холбогдох байгууллагуудад нь танилцуулж, туршилт судалгаа хийгдэж байгаа бөгөөд урвалж оношлуурыг ХӨСҮТ-д удаа дараа шинжилгээнд оруулж, туршилт хийсэн гэж мэдэгдэж байна.
Омикрон хувилбар олон оронд бүртгэгдээд байгаа энэ үед богино хугацаанд тухайн вирүсийг илрүүлж, оношлох төхөөрөмж манайд яаралтай хэрэгтэй байгаа нь үнэн. Тиймээс хувийн хэвшлийн саналуудыг дэмжиж хамтран ажиллана гэдэгт итгэж байна хэмээн “Альфа Доктор Мед” ХХК-ийн удирдлагуудын зүгээс хэлж байна.
“Альфа Доктор Мед” ХХК-ийн оруулж ирсэн энэхүү төхөөрөмжийг европын зарим орнууд, Америк, Арабын Эмират, Тайланд, Тайвань зэрэг олон улс 2020 онд туршиж, тусгай зөвшөөрлийг нь олгож, нисэх буудлууд дээр байрлуулж, ашиглаж байгаа юм байна.
