Буруу онош тавьдаг эмч нарт хариуцлага тооцъё

Манай улсад ямар ч
зүйлд \”эргэх холбоо” гэж огтхон ч алга. Анагаахын чиглэлийн сургуулиуд маш
өндөр төлбөртэй, оюутнууд нь толгой өөд татахгүй хичээл үздэг гэх. Хүний амь
нас, эрүүл мэндийн манаанд зогсдог эдгээр эмч нар өөрсдөө муу сурдаг уу,
өөрсдийг нь муу сургадаг уу мэдэхгүй юм. Ямартай ч сүүлийн үед анагаахын сургуулийг
төгсөж байгаа эмч нарт \”итгэл төрөхгүй” болсон тухай иргэд ярих боллоо.

 

 

Олон жилийн
дадлага туршлагатай эмч нар нь хувийн эмнэлэг байгуулан ажиллаж, өөрийн гэсэн
үйлчлүүлэгчээ татаж, олондоо танигдаж, хийсэн бүтээснээ төрд үнэлүүлж байгаа.
Нэг үгээр бизнес хөөн улсын эмнэлгийг үл тоомсорлоно. Гэтэл үнэхээр л эмчийн
тангараг өргөж, ёс зүйн хичээл заалгасан л юм бол мөнгөний хойноос \”хошуурахдаа\”
энгийн иргэдийг анзаараад нэг үзээч. Манай улсад хүн бүр төлбөртэйгээр эмнэлгийн
үйлчилгээг аваад байж чадахгүй нөхцөл
байдалтай байна шүү дээ. \”Нэртэй цуутай тэр эмч өнөөдөр үнэгүй үзнэ гэнэ” гэсэн
иргэний баярласан мэдээлэл олон нийтийн сүлжээгээр огтхон ч \”цухалзахгүй” юм.

 

Хүнийг эмчлэх
эрхээ авсан шинэхэн төгсөгчдийг өрхийн эмнэлэгт хувиарлаж байхаар 10-20-р нь
хажуудаа дадлагажуулж өөрийн ирээдүйгээ зөв бэлтгэмээр байна. Хүнийг буруу
оношлож буруу эмчилсэн, хүүхдийн ханиадыг хүндрүүлсэн, хатгааг сонсож чадаагүй
хүндрүүлсэн өрхийн эмч нарт хариуцлага тооцдог баймаар байна. Хэдэн хүүхдээр \”тоглож”
эцэг эхийн сэтгэл санаа, мөнгө төгрөгийг үрж байгаагаа ч мэдэхгүй орон тоо \”бөглөн”
сууж байгаа шинэхэн төгсөгчид чинь.

 

 

Оношоо тавьж
чаддаггүй шинэхэн эмч нарыг бэлтгэж байгаа сургуулиудад нь хариуцлага тооцох
ямар ч тогтолцоо алга байна. Хүүхдийг үнэхээр буруу оношлоод цаг хугацаа
алдахад хүргэж өвчнийг улам хүндрүүлсэн эмч нарт нь хариуцлага тооцож, сурсан
сургуульд нь мэдэгдэл хүргүүлдэг байвал ямар вэ? Мэдэгдэл авсан сургууль төлбөр
мөнгийг нь авчихаад сургаж чадаагүйнхээ төлөө хариуцлага хүлээж, эрхийг нь
түдгэлзүүлэх, төлбөрийг нь багасгах гэх мэт ямар нэгэн \”арга хэмжээ” авдаг
баймаар байна.

 

Хариуцлага алдсан үйлчилгээний ард хэдэн иргэн хохирч байгаа бол. Салбарт бүрт эргэх холбоотойгоор хариуцлага
тооцож байхгүй бол эзэнгүйрсэн үйлчилгээнүүд эзнээ \”алж” мэдэх нь байна.