Хятад улс Covid-19-ийн хязгаарлалтын дэглэмүүдээ цуцалсантай холбоотойгоор халдварын тохиолдол эрс нэмэгдсэн.
Тэгвэл Хятадаас ирж буй зорчигчдыг Covid-19-ийн шинжилгээнд хамруулахыг Франц улс Европын холбооны орнуудад уриаллаа.
Одоогийн байдлаар Европын холбооноос Франц, Итали, Испани улсууд Хятадаас ирж буй жуулчдаас шинжилгээ авч байна. Түүнчлэн Их Британи улс мөн шинжилгээ авч байна.
Франц улс Ням гаригаас эхлэн Хятадаас ирэх аялагчдаас 48 цагийн дотор шинжилгээ өгсөн байхыг шаардаж байна. Хилээр орж буй аялагчдыг санамсаргүй байдлаар мөн шинжилгээнд хамруулах аж. Энэ шаардлагаа Европын холбооны хэмжээнд хэрэгжүүлэхийг хичээнэ гэж тус улсын Эрүүл мэндийн сайд Франсуа Браун мэдэгдлээ. Шинэ арга хэмжээ нэгдүгээр сарын 31 хүртэл хүчинтэй байна. Энэ хугацаанд долоо хоног тутам Хятадаас зургаан нислэг, Хонгконгоос арван нислэг хүлээж авах аж.
Бээжин-Парис чиглэлийн Ням гаригийн нислэгээр 300 зорчигч ирсэн ч тэднээс ердөө 60 орчим нь Францын нутаг дэвсгэрт нэвтэрч чаджээ. Шинжилгээний хариу эерэг гарсан зорчигчид долоо хоногийн турш өөрийгөө тусгаарлах юм байна.
Эх сурвалж: EURO NEWS
