Зээлээ бүрэн төлсөн иргэдийг “Та дахин зээл авах боломжгүй” гэж Монголбанкны “хар жагсаалт”-д оруулдаг. Ийм асуудалтай иргэд өөрсдийгөө хохирсон гэж үзэж, Монголбанкны хар жагсаалтаас гаргахыг УИХ-аас шаардаж өнөөдөр /2024.02.01/ мэдээлэл хийлээ.
Иргэн, Манай нөхөр 2016 оны нэгдүгээр сард төрийн байгууллагад ажиллаж байхдаа зээл авсан. Бид хоёр гадаад руу явах болж, орон сууцаа худалдсан юм.
Нөхөр бид хоёр 2018 оны есдүгээр сарын 29-нд төлөх хуваарьт өдрөөс ганцхан хоногийн дараа 17 сая төгрөг төлж барагдуулсан. Бид гадаадад хоёр жил амьдарч байгаад ирсэн.
Ирээд орон сууц авах гэтэл “Монголбанкны зээлийн хэвийн бус ангилалд оруулсан” гээд зээл гарахгүй байна. Ингэж зээлийн хорионд ороод таван жил хүлээж байна. Банкнаас асуухад хорионоос суллагдахад 10 сарын хугацаа үлдсэн гэж хэлж байна. Бид ингэж удаан хүлээмээргүй байна. Нэг өдрийн өмнө ч гэсэн санхүүгийн шоронгоос гармаар байна гэв.
