Цэцэг бүхэн өөрийн гэсэн утга учиртай

Цэцэг бүхэн өөрийн гэсэн бэлгэдэлтэй. Хүний төрсөн өдрийн /төрсөн өдрийн цэцэгт мэндчилгээ/, төөрөгт ч тохирсон цэцэг гэж бий. Үүний зэрэгцээ муу бүхнийг дууддаг ургамал ч байдаг байна. Эрт дээр үеэс хүмүүс сэтгэлээ цэцгээр дамжуулж илэрхийлдэг байжээ.

Ингээд та бүхэндээ цэцгийн бэлгэдэлийн талаар багахан мэдээлэл хүргэе!

Улаан сарнай гэдэг бол эрт дээр үеэс хайр дурлалын бэлэгдэл болж ирсэн. Эрт үед хүмүүс хайртай хүндээ өгдөг байсан нь “Би чамд хайртай” гэсэн үгийг илтгэдэг байсан байна. Тэгвэл одоо ч гэсэн хүмүүсийн дунд энэ хандлага үйлчилдэг. Мөн улаан сарнай нь үзэсгэлэн гоо байдлын бэлэг тэмдэг болдог ба ер нь бүх төрлийн бэлэг тэмдэгүүдийг өөртөө багтаасан байдаг. Улаан сарнай бүх үеүүдэд бэлэг тэмдэг болсоор ирсэн ба хурим найрыг дандаа улаан сарнайгаар чимдэг байснаас хайр дурлалын бэлэг тэмдэг болсон байна. Тэгэхээр та хайртай хүндээ баглаа улаан сарнай бэлэглэх аваас зүрх сэтгэлээ илчилж болох гайхалтай арга байх болно. Харин олон ширхэг сарнай бэлэглэвэл хүндэтгэлийн илрэл. Гурван улаан сарнай бэлэглэвэл хайр, хүндэтгэл, мөнхийн залуу насыг бэлгэддэг.

Нил цэцэг нь: Чи бид хоёрын хайр үргэлж ариухан өгөөмөр байг гэсэн санааг илтгэдэг. Найз бүсгүйдээ бэлэглэхэд тохиромжтой. Анхны болзоонд барих цэцэг.

Цагаан сарнай нь гэнэн цайлган байдал, болон цэвэр ариун байдлыг илтгэдэг ба ихэнхдээ хурим болон шинэ зүйл эхлэх бэлэг тэмдэг болдог байна. Мөн цагаан сарнай нь нэр алдар, хүндэтгэлийн бэлэг тэмдэг болдог. Гэсэн хэдий ч цагаан сарнай бас маш нууцлагдмал цэцэг юм. Цагаан сарнай нь сүйт бүсгүйн гарт байдгаараа эв нэгдэл, ёс суртахуунт байдал, шинэхэн хайрыг илтгэдэг. Мөн эрүүл мэндийг бэлгэддэг. Хуриманд цагаан сарнайг, ягаан сарнайн хамт хэрэглэдэг байна.

Хризантем цэцэг нь хүндэтгэлийг илэрхийлдэг, албаны зориулалттай.

• Цагаан алтанзул- би чамайг дахин хайрлаж чадахгүй
• Шар алтанзул-би чамд хайртай
• Ягаан алтанзул-зүүдэндээ чамайг хардаг
• Хар алтанзул -чамтай хамт үхэхийг хүсэж байна

Лили буюу Сараана цэцэг нь хүндэтгэлийн цэцэг, шагнал авсан хүнд сарнайтай хольж баглааг боолгоно.

Шар сарнай нь оюун ухааныг илэрхийлдэг. Багшдаа өгөх нь илүү зохимжтой. Шар сарнайг хайртай бүсгүйдээ өгдөггүй.

Цээнэ бол дэлхийн олонхи оронд “Цэцэгсийн хаан” хэмээн алдаршсан, ялангуяа эмэгтэй хүнд их ээлтэй цэцэг гэгддэг. Хэрэв та насанд хүрсэн охидоо сайн залуутай гэрлэж, бат журамтай яваасай гэж хүсвэл баглаа цээнийн ягаан цэцэг дүрсэлсэн том зургийг зочны өрөөнд өлгөх хэрэгтэй. Ялангуяа дэлбээлсэн цээнэ цэцэг охидтой айлд аз жаргал, сайн хувь заяаг дууддаг. Эсвэл гэртээ цээнийн цэцэг ургуулаарай.
Та нөхөрт гарч амжаагүй яваа залуу бүсгүйчүүд сайн хань ижилтэй болохыг хүсч байвал өрөөнийхөө баруун урд зүгтээ цээнийн ягаан цэцгийн зураг өлгөж идэвхижүүлээрэй. Харин  аль хэдийн гэрлэсэн бол ялгаагүй өлгөж болох бөгөөд нөхөр чинь таныг улам хайрлаж, дурлах болно.

Мандарваа цэцэгийг нөхөртэй бүсгүйд юм уу, түүний найз эмэгтэйд бэлэглэдэг.

Үхэшгүй мөнхийн бэлгэдэл Эдэлвайс Үнэнч хайрын бэлгэдэл Эдэлвайс хэмээн өрнөдийн олон оронд эрхэмлэдэг цэцгийг монголчууд Цагаан уул гэж нэрлэдэг. Еропын орнуудад ховор ургах энэ ургамал Альп зэрэг өндөр уулын бэлээр үзэгддэг. Манай орны тал хээр, хангайд хаа сайгүй элбэг ургадаг Цагаан цэцгийг монголчууд ашид мөнхийн бэлэгдэл хэмээн ихэд бэлэгшээдэг уламжлалтай. монгол оронд цагаан уул цэцгийн 3 төрөл ургадаг. гаднаас нь харахад гойд ялгарах зүйлгүй ч 15-25см өндөр ургадаг цагаан уул нь олон удаа цэцэглэдгээрээ бусдаас ялгардаг. дэлхийд нийт 40 гаруй зүйлийн цагаан уул бүртгэгдсэн байна. ерөнхийд нь сибирийн болон альпийн гэж 2 ангилдаг. харин монгол, солонгос, манжуурт ургадаг цагаан уул сибирийн ангилалд багтдаг. ургамал судлаачдын тайлбарлаж буйгаар цагаан уул цэцгийн нэр нь анх цагаан ул байжээ. зарим нутгийнхан цагаан түрүү хэмээн нэрлэх ч бий. харин олон улсад албан ёсоор түүнийг leonpodion гэдэг. энэ нь грек хэлнээс гаралтай арслангийн алга гэсэн утгатай үг юм байна.