“Мишээл вокинг стрийт”, “Ойм ногоон урлан” ХХК хамтран 6 сарын 08, 09-ний өдрүүдэд Flower festival Mongolia-2024 арга хэмжээг зохион байгуулах гэж байна.
Цэцгийн соёлыг дэлгэрүүлэх, байгальд ээлтэй амьдралын хэв маягийг сурталчлах, экологийн боловсрол олгох, цэцгийн салбарын нэр хүндийг нэмэгдүүлэх, нийгмийн стрессийг бууруулах, бусад улс орнуудын цэцэг ургамлын соёлыг эх орондоо түгээн дэлгэрүүлэх зорилгоор Монголд isанх удаа энэхүү арга хэмжээг зохион байгуулж байна.
Тус фестивальд бүх төрлийн баглаа цэцэг, таримал цэцэг, ургамал, ургамлан тохижилтын чиглэлээр үйл ажиллагаа явуулдаг аж ахуй нэгжүүдийн 1500 гаруй нэр төрлийн бүтээгдэхүүнийг нэг дор нэгтгэх юм. Цэцгийн фестивальд хүрэлцэн ирснээр өөрийн цэцэрлэгээ урлах бүх төрлийн цэцэг, ургамал, тохижилтыг 50% хүртэлх хямдралтай үнээр худалдан авч, цэцэг ургамлын арчлах зөвлөгөө мэдээлэл авах боломжтой.
Цэцгийн фестивалийн үеэр ургамал тарих арчлах сургалт, цэцгэн титэм урлах, террариум урлах зэрэг олон төрлийн сургалтыг зохион байгуулна. Түүнчлэн цэцгийн фестивалиас худалдан авалт хийсэн үйлчлүүлэгчдийг Мишээл вокинг стрийтийн ресторан, киоскууд тус тусын урамшуулал үзүүлэх юм. Тухайлбал таримал цэцэг худалдан авсан үйлчлүүлэгч бүрд Жуманжи ресторан 20%-ийн хямдралтай үйлчилнэ.
Мөн цэцгийн фестивалиас худалдан авалт хийсэн үйлчлүүлэгчдээс өдөр бүр 10 азтан шалгаруулна гэх зэргээр олон сонирхолтой арга хэмжээнүүдийг төлөвлөсөн байна.
Цэцэг, ургамал сонирхогч хүн бүрийг Flower festival Mongolia -2024-д хүрэлцэн ирэхийг урьж байна.
Хугацаа: 2024.06.08-2024.06.09
Цагийн хуваарь: 10:00-20:00
Байршил: Хан-Уул дүүрэг, 2-р хороо, Мишээл экспогийн залгаа Мишээл вокинг стрийт дотор
Имэйл: generalmanager-mws@misheelgroup.mn
Хураамж: Үнэ төлбөргүй
Мэдээлэл авах утас: 99907392, 96023777
Фестивалийн талаарх мэдээлэл:www.facebook.com/events
