Хүн төрөлхтний эв нэгдэл болсон “Парис 2024” зуны 33 дахь удаагийн Олимпын наадам эхлэхэд цөөхөн хоног үлдлээ.
“Хамтдаа түрүүлж алхана” уриатай Юнител групп Парисын тэнгэрт Монгол Улсынхаа тугийг мандуулах, баг тамирчдаа дэмжин, тэдэнд урам өгөх, тэдний амжилтыг хамтдаа тэмдэглэж, баярт мөчүүдийг хамтдаа хуваалцаж, мөнхлөн үлдээх зорилгоор энэ удаагийн олимпын наадмын шууд дамжуулалтын ивээн тэтгэгчээр ажиллаж байна.
Олимпын наадмаас монгол баг тамирчдын авч ирэх медаль бүхэн асар үнэ цэнтэй бөгөөд монголчууд бидний хамтдаа дэмжиж, хамтдаа тэмдэглэсэн баярт мөч бүрийн илэрхийлэл яахын аргагүй энэ амжилт байх болно. Тийм ч учраас хамтдаа дэмжин нэгдэх хэрэглэгчдэдээ дараах урамшууллыг зарлалаа.
ОЛОЛТ АМЖИЛТАА ХАМТДАА
Парисын зуны олимпод Монгол Улсаа төлөөлөн оролцож буй баг тамирчдын авсан медалийн өнгөнөөс хамаарч хэрэглэгч таны авсан дата үржигдэж орно. Өөрөөр хэлбэл баг тамирчид маань олимпын медаль энгэртээ зүүх бүрт хэрэглэгч та урамшуулалд хамрагдах боломжтой болно гэсэн үг юм.
7-р сарын 22-оос 8-р сарын 11-ний хооронд Unitel апп-аас хүссэн нэг үйлчилгээгээ авсан хэрэглэгч бүрт дата урамшуулалд оролцох эрх нээгдэх бөгөөд Монголын баг тамирчид
- Алтан медаль хүртвэл 2024MB x3
- Мөнгөн медаль хүртвэл 2024MB x2
- Хүрэл медаль хүртвэл 2024MB x1 гэсэн урамшууллын эзэн болох боломжтой.
Ололт амжилтаа хамтдаа тэмдэглэж, хуваалцах энэхүү урамшуулал нь паралимпын үеэр буюу 8-р сарын 28-аас 9-р сарын 8-ны хооронд ч үргэлжлэх юм.
ОЛИМПЫН ЦЭНГЭЛДЭХЭД МОНГОЛ СОЁЛЫГ ТАНИУЛЪЯ
Юнител групп хамтдаа оршин тогтнож буй нийгмээ тогтвортой хөгжүүлэхэд тууштай бөгөөд бодитой хувь нэмэр оруулах үүднээс хүүхэд, залуучуудыг спортоор дамжуулан хөгжих боломжийг олгох урт болон богино хугацааны төсөл хөтөлбөрүүдтэй үргэлж хамтарч ажилладаг.
Олимпод оролцох 20 гаруй орны House төсөл Парис хотноо ажиллах бөгөөд үүний нэг нь Юнител группын хамтран ажиллаж буй Mongolian house буюу Монгол хотхон байх юм. Хамтдаа түрүүлж алхана уриатай Юнител групп уг төсөлтэй хамтран ажиллаж буй нь монгол баг тамирчдаа дэмжих, тэдний ололт амжилтыг онцлон тэмдэглэх зорилготой.
Олимпын наадмыг сонирхон үзэхээр Парис хотыг зорьсон жуулчид монгол ахуй соёлыг сурталчлан таниулах уламжлалт гэр, Монголын олимпын түүх, үндэсний спортын болон олимпын баг тамирчдын танилцуулга бүхий гэрээр зочлох боломжтой.
Мөн монгол үндэсний идээ ундаа, хувцас, урлагийн тоглолтоор үзэгчдийн сонорыг мялаах бөгөөд олимпын цэнгэлдэхийн хажууд байрлах Монгол хотхоноор зочлохыг уриалж байна. Энэ нь эх орныхоо баг тамирчдыг олон улсад сурталчлан таниулах, дараа дараагийн олимпын наадамд оролцох тамирчдад урам зориг, итгэл найдвар төрүүлэх нэг алхам болж байгаа юм.
Монгол хотхон нь олимпын нээлтийн өдрөөс бусад буюу 7-р сарын 27-оос 8-р сарын 11-ний өдрүүдэд 10-23 цагийн хооронд ажиллана.
“Go Mongolia” гэрээр зочилсноор
- Калиграфаар нэрээ бичүүлэх;
- Оньсон тоглоом тоглох;
- Гэр барих ухааныг заах, жижиг модель гэрүүд барьж тоглох
- Төрөл бүрийн шагайн наадгай тоглох;
- Үндэсний хувцас хэрэглэл өмсөж зураг авхуулах;
- Тамирчдын тэмцээний шууд дамжуулалтыг үзэж, хамтдаа дэмжих зэрэг олон зүйл хийж, сонирхох боломжтой.
