Монголбанкны Мөнгөний бодлогын хорооны ээлжит хурлын шийдвэрийг танилцуулах хэвлэлийн хурал (2025.03.07)болов.
Энэ үеэр Монголбанкны Ерөнхийлөгч Б.Лхагвасүрэн дараах мэдээллийг өглөө.
Тэрээр “Дулааны үнийг 2025.05.16-наас эхлэн 85 хувиарнэмэх шийдвэрийг Эрчим хүчний зохицуулах хороо өнгөрсөн арваннэгдүгээр сард гаргасан. Мөн 2024.09.16-наас эхлэн ус сувгийн, халуун хүйтэн усны үнийг нэмэх шийдвэрүүд гарсан. Эдгээр нь инфляцыг улам өдөөнө. Одоо инфляц улсын хэмжээнд 9.6 хувь байна” гэв.
Үүнээс урьтаж бодлогын хүүг 10-аас 12 хувь болголоо.
Дулааны тариф өнөөдөр 33862 төгрөг байгаа бол бодит өртөг нь 62960 төгрөг болж, үүний зөрүүгийн хэмжээний алдагдал хүлээдэг аж. Айлуудын цахилгаан, дулааны тарифт 2019 оноос хойш 5 жилийн хугацаанд өөрчлөлт ороогүй тогтвортой мөрдөж ирсэн.
Үнэ, тарифыг шинэчилж, зах зээлийн зарчимд нийцүүлж эхэлснээр эрчим хүчний салбарын санхүү, эдийн засгийн бие даасан байдал хангагдах боломж бүрдлээ гэж Эрчим хүчний зохицуулах хороо мэдээлсэн юм.
ӨРХИЙН ХЭРЭГЛЭЭНИЙ НЭГ ЛИТР УСНЫ ҮНЭ
Цэвэр ус 1340₮ Халуун ус 1632₮ Бохир ус 1070₮ Усны суурь үнэ 3000₮
