Манай улс эдийн засаг өсөж байх үедээ шатахууны саваа нэмэгдүүлэх бодлого хэрэгжүүлээгүй.
Улсын хэмжээнд 440 мянган тонн шатахуун агуулах сав байдаг ба энэ манай улсын сар гаруйн хугацааны хэрэглээ юм. Олон улсын геополитикийн нөхцөл байдалтай холбоотойгоор Засгийн газрын үйл ажиллагааны төлөвлөгөөнд нефтийн бүтээгдэхүүнийг 3-6 сарын хугацаанд хадгалах агуулах савтай болохоор тусгажээ.
Энэ талаар АҮЭБ-ийн сайд Г.Дамдинням, Шатахуун нөөцлөх савыг ирэх жилд нэмэгдүүлэхээр төлөвлөсөн ба үүний хүрээнд Ковидын хуулийг дахин өргөн барьж, шатахуун нийлүүлэгч, импортлогч ААН-үүд болон төрийн хувийн хэвшлийн хамтын ажиллагааны хүрээнд хямд эх үүсвэрээр нөөцийн сав болон байгаа саваа саваа дүүргэх арга хэмжээ авна.
Монгол Улс жилдээ 560 мянган тонн газрын тосны бүтээгдэхүүн олборлож, экспортолдог. Сард 220 мянган тонн газрын тосны бүтээгдэхүүн импортоор авдаг. Уул уурхайн бүтээгдэхүүний үйлдвэрлэл нэмэгдэхийн хэрээр энэ төрлийн бүтээгдэхүүний хэрэглээ 20 хувиар өсөж байна.
Шатахууны тасалдлаас сэргийлэх зорилгоор АҮЭБЯ, Сангийн яам, ЭЗХЯ хамтарсан хөнгөлөлттэй зээлийн эх үүсвэр бий болгох шийдвэр удахгүй гарна. Засгийн газрын үйл ажиллагааны төлөвлөгөөнд тусгасан 3-6 сарын хэрэглээний нөөц бүрдүүлэх зорилтдоо хүрэх чиглэлээр ажиллана.
Нэг сарын нөөц хадгалах савны зардал өнөөдрийн үнэлгээгээр 500 орчим тэрбум төгрөг байна. Үүнд Засгийн газраас хөнгөлөлттэй зээлийн эх үүсвэрийг ААН-үүдэд өгөх зорилгоор 50 тэрбум төгрөгийн эх үүсвэр бий болгохоор ажиллаж байна.
2-рт, Нөөцийн савыг дүүргэхэд мөн санхүүжилтийн эх үүсвэр шаардлагатай. 3-рт, БНХАУ-аас газрын тосны бүтээгдэхүүн импортолно. Үүний тулд Замын-Үүд дэх Дамжуулан ачих төвийн хүчин чадлыг нэмэгдүүлэх шаардлагатай гэсэн юм.
