Дөнгөж бага ангийн сурагч мөртлөө маш залхуу болчихсон сурагч сургуулиудад дэндүү олон байна.
Хүүхэд яагаад залхуу болдог вэ?
1. Тэвчээр, зүтгэл шаардах ажлууд хийлгэж байгаагүй/Хайрлаад хийлгээгүй/ 2. Гэрийн ажил хийлгэдэггүй, бүх зүйл нь бэлэн орчин. 3. Хичээл хийж хэвшээгүй. 4. Гэрийн даалгавар хийж хэвшээгүй.
Өөрөөр хэлбэл биеэ нөөж, зүгээр суудаг хэвшилтэй гэрийн орчинд сургасан. Хүүхэд залхуу төрдөггүй. Тэд төрөхдөө маш бүтээлч, хөдөлмөрч нэгэн байдаг. Тэднийг эцэг эх нь залхуу болгодог.
Хүүхдийг хэтэрхий битгий амраа.
Хэт их бүү зугаацуул.
Хүүхэд баярлаж, зугаацах тусам зугаа цэнгэлд дуртай болно.
Бас хичээл ном хийх, ажил хийх дургүй болно.
Хүүхдэдээ цаг гаргахдаа хамт баярлаж цэнгэх, гадуур зугаалах зүйл байнга бүү хий!
Түүний оронд:
- Хамт даалгаврыг нь хий - Хамт ажил хий - Хамт ном унш - Хамт хөгжих үйл хий...
Хүүхдүүд тань одоо л таны үгэнд орно. Дунд ангиас үгэнд орохгүй. Одоо үгэнд орж байгаа дээр нь зөв хэвшилд сурга. Эцэг эхчүүд хүүхдээ дунд ангиас ухаантай болно, өөрчлөгдөнө гэж боддог. Буруу хэвшилтэй хүүхэд дунд ангид ороод ухаантай болохгүй. Улам л тэнэг болно. Тэд таны тэвчээрийг барна…
