Рио-2016 олимпын аварга, Японы жүдоч Машү Бейка Монгол Улсад хүрэлцэн иржээ. Тэрбээр, Дархан аварга Н.Батсуурийн урилгаар ирсэн бөгөөд Увс аймгийн жүдогоор хичээллэж буй хүүхэд, багачуудад зориулсан сургалт, дадлагад оролцохоор Монгол Улсад ирсэн байна.
Энэхүү сургалтыг Монголын жүдо бөхийн холбоо хамтран зохион байгуулж байгаа бөгөөд олимп, дэлхийн дэвжээнээс хуримтлуулсан үнэтэй туршлага, техник, барилдааны ухаанаасаа хуваалцан, ирээдүйн шилдэг тамирчдыг бэлтгэхэд хувь нэмрээ оруулах юм байна. Сургалт нь орон нутгийн жүдоч хүүхэд, залуусын ур чадварыг ахиулах, олон улсын жишигт ойртуулан хөгжүүлэхэд чухал ач холбогдолтой аж.
