Яармаг, Арцат-Хархорин, Өнөр хороолол чиглэлийн дүүжин замын тээвэр төслийн хүрээнд төлөвлөсөн нийт 19 тулгуур баганыг угсарч дуусаад байна.
Эх сурвалжийн мэдээлснээр өнөөдрийн байдлаар уг тээврийг барих ажлын явц 64 хувьд хүрч, Яармаг болон Хархорин худалдааны төвийн дэргэдэх зогсоолын барилгын ажил дуусаж, заслын гүйцэтгэлд оржээ.
Харин дүүжин тээврийн хоёрдугаар шугам буюу Үндэсний цэцэрлэгт хүрээлэнгээс Үндэсний соёл амралтын хүрээлэн чиглэлд барих ТЭЗҮ-ийг боловсруулах ажил явагдаж байгаа аж.
Энэхүү төслийг анх 2020 онд Монгол, Францын Засгийн газар хооронд гэрээ байгуулан, 316 тэрбум төгрөгтэй тэнцэх хэмжээний еврогийн нэн хөнгөлөлттэй зээлийн нөхцөлтэйгөөр хэрэгжүүлэхээр болж, тус зээлийг 10 жилийн дараагаас 0,0076 хувийн хүүтэйгээр 40 жилийн хугацаанд эргэн төлөх юм байна.
Улаанбаатар хотод жилд дунджаар 2,500-3,000 тонн нүүрстөрөгчийн давхар исэл ялгардаг бөгөөд үүнийг эрс бууруулахад 100 хувь цахилгаанаар ажиллах дүүжин тээвэр өндөр ач холбогдолтойг тооцоолжээ.
