Хүний эрхийн үндэсний комисс, Нээлттэй нийгэм форумаас хамтран хүний эрхийн цуврал лекц хийж байгаа. Энэ удаад УИХ-ын гишүүн, хүний эрхийн дэд хорооны дарга Д.Цогтбаатар \”Хүний эрхийг хангах парламентын чиг үүрэг” сэдвээр лекц унших юм. Энэ удаагийн лекцээр өнгөрсөн хугацаанд УИХ-ын Хүний эрхийн дэд хорооны хүний эрхийн асуудлаар хэрэгжүүлсэн бодитой, үр дүнтэй ажил, хамтран ажилладаг байгууллагууд болон чиг үүргээ хэрэгжүүлэхэд тулгарч буй бэрхшээл, цаашид баримтлах бодлого, хэрэгжүүлэх тодорхой арга хэмжээний талаар мэдээлэл өгч санал солилцох юм байна.
Лекц МУИС-ийн хичээлийн 1-р байрны дугуй танхимд энэ сарын 24-ны өдөр 15:00 цагт болно. Үнэ төлбөргүй энэхүү лекцэд хамрагдахыг хүссэн иргэд 262752 утсаар холбогдож бүртгүүлнэ үү.
