![\"\"](http://undesten.mn/uploads/posts/2015-10/1445932259_12189554_1062936240413307_9147361747894692342_n.jpg "\\"\\"")
Компьютерийн суут Стив Жобс 1976 онд Apple компанийг үүсгэн байгуулснаас хойш бүхий л цаг заваа өөрийн ажилдаа зарцуулж ирсэн. Тэрээр компанийн хурал цуглааныг алгасдаггүй хариуцлагатай нэгэн байж. Харин түүхэндээ бараг ганц л удаа хурлаа тасалж байсан юм байна. Магадгүй та бүхэн \”Тийм хариуцлагатай хүн яаж хурлаа тасалж чадсан байна аа? Их л чухал шалтгаантай болоод тасалсан байх даа?” хэмээн бодож байна уу. Тэгвэл нөхөр тэрхүү хурлыг нэгэн үзэсгэлэнт бүсгүйтэй анхны болзоогоо өнгөрүүлхийн тулд тасалсан бөгөөд хожим нь тэр бүсгүй түүний амьдралынх нь хань болсон юм.
Нэгэн удаа Стив их сургуульд илтгэл тавьж л дээ. Танхимд нь түүний ирээдүйн эхнэр Laurene Powell сууж байв. Стивд ч бүсгүй таалагдаж илтгэлийнхээ дараа утасны дугаарыг нь авсан юм байна. Мань хүн ч удаан хүлээхийг хүссэнгүй. Шууд л тэр даруйдаа бүсгүйг оройн зоогонд урихаар шийдэж. Гэхдээ нэг асуудал байв, учир нь тэр өдөр чухал уулзалт төлөвлөсөн байж.
Стив машиндаа суугаад өөрөөсөө нэгэн чухал асуулт асуусан гэдэг. \”Хэрвээ өнөөдөр миний амьдралын сүүлчийн өдөр байсан бол би юу хийх байсан бэ?” гэж. Хэсэг бодсоны эцэст нөхөр буцаж сургууль дээр нь очоод Laurene-ийг дагуулаад анхны болзоондоо явсан юм байна. Тэр л мөчөөс хойш тэр хоёр амар сайхандаа жаргаж ээ.
Мөнх зүйл гэж байхгүйг ойлгох нь амьдралын жинхэнэ мэргэн ухаан. Хэрвээ хүн үүнийг санаж л байвал түүний дотор хүсэл тэмүүлэл, хатан зориг асаж бидний хэлж заншсан амьдрал гэдэг зүйлд илүү гүнзгий шумбах боломжтой болдог.
Тийм ч учраас энэ асуултыг өөрөөсөө байнга асууж байх хэрэгтэй. Энэ асуулт амьдралынхаа хамгийн чухал зүйлсэд төвлөрөхөд тус болох юм шүү!
Танаас асуух нэг зүйл байна.
Өнөөдөр таны амьдралын сүүлчийн өдөр байсан бол та юу хийх байсан бэ?
