Бүргэдчин охин Айшолпан \”Азийн дүрэм өөрчлөгч\” болов

\”Asia Society”
байгууллага 2017 оны \”Asia Game Changer Awards” шагналыг Ази тивийн ирээдүйд
эерэг өөрчлөлт гаргасан есөн хүнд гардуулж байгаагаа зарласан билээ.  Есөн шагналтны нэгээр Монгол улсын иргэн,
Бүргэдээр авлагч Айшолпан Нургайв охин тодорсон. Түүний бага залуу насандаа
хүйсээр ялгаварлах үзэл, ойлголтыг өөрчилсөн гавьяаг нь үнэлсэн гэж тайлбарт
өгүүлжээ.

Нэр дэвшигчдийг
Asia Society байгууллагын дэлхийн сүлжээний 1,000 гаруй гишүүдийн саналаар
сонгодог юм байна. Шагналыг 2014 оноос эхлэн Ази тивийн нийгмийн хөгжилд хувь
нэмэр оруулсан хүмүүст олгож эхэлжээ. 

 

 

 

Н.Айшолпан
охин энэ сарын 1-нд \”Asia Game Changer Awards-2017” шагналыг Монголоос анх
удаагаа авч байгаа нь бахархалтай үйл явдал юм. \”The Eagle Huntress” киногоор дэлхийд танигдсан Баян-Өлгий аймгийн
Алтанцөгц сумын иргэн, бүргэдчин охин \”Хүүхэд насандаа хүйсээр ялгаварлах
үзлийн ойлголтыг өөрчилснийхөө төлөө \”Азийн дүрэм өөрчлөгч” шагналыг хүртэж
байгаа юм.

 

 

 

Энэ жилийн
шагналыг буяны үйлстэн Ага Хан, Афганистаны эмэгтэй реппэр Сонита Ализадех,
Хятадын такси дуудлагын сүлжээг үндэслэн байгуулагч Жан Лю, Камбожийн байгаль
орчныг хамгаалагч Лэн Оук, Энэтхэгийн нийгмийн зүтгэлтэн Дэв Пател, Хятадын
хөгжимчин Ву Тон, Японы \”Uniqlo” хувцасны үйлдвэрийг үүсгэн байгуулагч Тадаши
Янай, боловсролын Sesame Street байгууллага хүртсэн байна.