Оросын онгоц гаднын нөлөөнөөс болж осолджээ

$\"\"$

Өнгөрөгч бямба гаригт Египетээс Орос руу нисч явсан ОХУ-ын иргэний агаарын тээврийн \”Айрбус А321” онгоц осолдсоны улмаас онгоцонд байсан бүх хүн буюу зорчигч, хөлгийн багийн гишүүд нийлсэн 224 хүн амь үрэгдсэн юм. Энэ хэргийг Сири, Иракийн нутагт дэвсгэрт үүсээд буй \”Лалын улс” бүлэглэлийнхэн \”Бид үйлдсэн” хэмээн мэдэгдсэн ч ОХУ-ын зарим албаныхан \”Тэдэнд тийм өндөрт нисч буй онгоцыг сөнөөх зэвсэг байхгүй. Онгоц техникийн асуудлаас үүдэж осолдсон байх” гэсэн урьдчилсан мэдэгдлүүдийг хийж байсан юм. Тэгвэл мэргэжилтнүүд онгоцны хар хайрцгийн мэдээллийг тайлж, онгоц гаднын нөлөө буюу гаднын цохилтоос болж сүйрсэн гэдгийг нотлов. Түүнчлэн онгоцыг Египетийн амралт, аялал зугаалгын \”Шарм Эль Шейх” хотоос хөөрснөөс ердөө 23 минутын дараа Синайн хойгт осолдсоныг тогтоожээ. Энэ зуур сонирхуулахад, Оросоос жил бүр олно мянган жуулчин амралт, аялал зугаалгаар Египетийг зорьдог байна. Хэдийгээр албаныхан онгоцыг гаднын цохилтоос болж сүйрсэн гэж мэдэгдсэн ч энэ нь пуужин тэгээд \”Лалын улс” бүлэглэлийнхэн харвасан гэдгийг тогтоогоогүй юу аль эсвэл мэдээлэхийг хүссэнгүй юу юутай ч дээрхээс өөр мэдэгдэл хийсэнгүй. Гэхдээ ОХУ өнгөрөгч баасан гаригт осолдсон онгоцны энэ хэрэгт маш шуурхай ажиллаж, хэдхэн хоногийн дотор амь үрэгдсэн зорчигчдыг хэн болохыг тогтоожээ. Түүнчлэн энэ хэрэгтэй холбогдуулан ОХУ гашуудал зарлаж, хэргийн буруутанг олох ажиллагааг явуулж байгаа аж. Дашрамд дурдахад, ОХУ өөрийн холбоотон Сирийн Ерөнхийлөгч Башар аль-Ассадын хүсэлтээр тус улс болон Иракийн нутаг дахь \”Лалын улс” бүлэглэлд агаараас маш хүчтэй цохилт өгснөөс \”Лалын улс” бүлэглэлийнхэн өшөө авна гэж мэдэгдэж, бүр Москва хотод террорист халдлага зохион байгуулах гэж байхад Оросын аюулгүйн хүчнийхэн илрүүлж байсан юм.

Бас дахин нэг удаа дэлхий нийтийг уйлуулав

Цонхоор харж буй энэ хүүхэд бол 10 сартай Дарина охин бөгөөд эцэг эхийн хамт Египетийг зорихоор Петерсбургийн нисэх онгоцны буудал дээр байгаа дүр зураг юм. Охин эцэг эхийн хамт Египетийг зориод тэндээсээ эргэж ирээгүй бөгөөд түүний эх осолдох үеэрээ мөн жирэмсэн байжээ. Ямартай ч, 10 сартай Дарина охины зураг Оросын онгоцны ослын эмгэнэлийн дүр зураг болж мөнхөрч басхүү Орос болон дэлхийн улсуудыг уйлуулав. Үүнээс гадна онгоцын ослоор амь үрэгсдэн хүмүүсийн дотор цөөнгүй хүүхдүүд байсан аж.

$\"\"$