Самар зардаг бяцхан охинд чин сэтгэлээсээ тусласан та бүхэндээ баярлалаа

$\"\"$

9 сарын 1-ний өдөр хүүхэд бүр сургуульдаа явж байхад 8 настай бяцхан охин 13-р хорооллын орон сууцны дунд бүтэн өдөр самар зарж өнжжээ. www.ugluu.mn сайтын сэтгүүлчийг өглөө ажилдаа явахаар гэрээсээ гарахад байрных нь ойролцоо самар зарж байсан бяцхан охин орой ажлаасаа харьж явахад ч самраа зарсаар сууж байхыг харсан сэтгүүлчийн сэтгэл шимшрэн үзэг цаасаа шүүрэн авч охины сургуульд яваагүй шалтгааныг асуун түүнээс багахан ярилцлага авч сайтдаа оруулан олны сонорт хүргэснээр \”самар зардаг Зулаа охин\”-ы талаар хүмүүс олж мэдэн түүнд туслах сэтгэлийн аян эхэлжээ.

Зулаа охины жинхэнэ нэр Батжаргалын Лхагвадулам гэдэг. Түүний эцэг, эх, 5 настай дүүг нь дагуулан өнгөрсөн 3 сард Булган аймгийн Булган сумаас Улаанбаатар хотод ажиллаж, амьдрах сэтгэл өвөрлөн иржээ. Гэвч тэдэнд тогтсон орон гэр байгаагүй улмаас орцны жижүүр хийж, байрны гражийн буланд 2х1,5м хэмжээтэй шилэн хийцээр тусгаарласан жижиг \”оромжинд” амьдарч, аав нь амьдрахын эрхээр бусдыг даган самарт явж, гэртээ 2 охиноо харж үлдсэн ээж нь орц цэвэрлэхийн зэрэгцээгээр нөхрийнхөө авчирсан самрыг цайруулан зарж, ингэхдээ орцны сахиул хийх ажлаа орхиод байнга самраа зараад байж болохгүй учраас 8 настай ч өдийг хүртэл сургуульд сурч байгаагүй, бичиг үсэг мэдэхгүй том охиноороо самар заруулж байсан нь тэр юм билээ. $\"10406801_987164984637976_771612831382327935_n\"$ $\"11780530_1627221770849561_1455655702_n\"$

Хүний сайхан сэтгэлд хязгаар үгүй гэдэг. Сургуульд ороогүй бяцхан охинд иргэн н.Лхагвадэлгэр туслан хичээлийн хэрэгсэл авч өгч 4-р сургуульд оруулсан бол Нийтийн дууны залуу дуучин Э.Болд, Б.Чулуунчимэг нар \”Жаргалтай айл манайх” нэртэй уран бүтээлийн шинэ цомгийнхоо нээлтийн үеэрээ \”өргөө цагаан гэр\” бэлэглэсэн юм. Харин Сонгинохайрхан дүүргийн Залуучуудын холбооны залуус нэгдэн Зулаа охины гэр бүлд ихээхэн тус хүргэжээ. Тэд Батжаргалын/Зулаа охины аав/ гэр бүлд гэрээ барих айлын хашаа гарган өгч, өөрийг нь хамгаалалтын албанд ажилд оруулж, охиныг гэрийн ойролцоох 76-р сургуульд шилжүүлэн суралцуулж, 5 настай дүүг нь 117-р цэцэрлэгт оруулж, ээж н.Очмааг нь удахгүй шинээр нээгдэх цэцэрлэгт үйлчлэгчээр оруулахаар болжээ.

Мөн СХД-ийн Залуучуудын холбооны залуус \”Өгөх өдөр”-ийг угтан Батжаргалын гэр бүлд шинэ тавилга, ор, хөнжил, гудас, 1 сарын хүнсний хэрэглээ, 1 портер түлэх мод, 10 шуудай нүүрс, Зулаа охинд хичээлийн хэрэгсэл, шинэ нотевүүк, дүүгийнх нь цэцэрлэгт шаардлагатай зүйлсийг бэлтгэн өгсөн сайхан мэдээллийг бидэнд дуулгалаа. $\"12179962_833570130095510_147414579_n\"$ $\"12201052_836533549799168_309560472_n\"$ $\"12208992_836538573131999_860096343_o\"$ $\"12209081_836537033132153_513846167_o\"$ $\"12210840_836537633132093_1175045222_o\"$ $\"12214033_836537573132099_1366605057_o\"$

$\"12200827_836537933132063_1861845169_n\"$ Монголчууд бид \”дэм дэмэндээ, дээс эрчиндээ” гэдэг дээ, ядарч зүдэрч яваа нэгэндээ туслах сайхан сэтгэл гаргаж, хөлс хүч, хөрөнгө мөнгө илүүчлэн байж Зулаа охины гэр бүлд тусласан хүмүүнлэг үйлст, нинжин сэтгэлт залуусдаа, мөн энэ ажлын анх санаачлан хэрэгжүүлсэн СХД-ийн Залуучуудын холбооны Хүмүүнлэг, эрүүл мэндийн байнгын хорооны дарга Д.Хишигбаатартаа Зулаа охины гэр бүлийн нэрийн өмнөөс болон www.ugluu.mn сайтын хамт олны зүгээс талархал илэрхийлье.

Та бүхний хэрэгжүүлсэн сайн үйлсийн хүчээр Монголын нэгэн гэр бүл орох оронтой болж, эрхэлсэн ажилтай болж, үр хүүхэд нь сурч боловсрох бололцоо бүрдлээ. Буяны цагаан мөр үргэлж гэгээн байг. Сайн үйлс дэлгэрэх болтугай

Сэтгүүлч Ц.Мөнхбаатар