Саун массаж нэрийн дор эмэгтэйчүүдийн биеийг үнэлүүлж байсан этгээдүүдийг илрүүлжээ

Нийслэлд үйл ажиллагаа
явуулж байгаа зочид буудлууд болон саун, массаж
нэрийн дор үйл ажиллагаа явуулж байгаа газрууд  гэмт хэргийн үүр уурхай болсоор
байна. Эхлээд
хэдэн жишээ дурдьяа. 2017 оны наймдугаар сарын 23-ны өдөр \”Очир” төвийн
зочид буудалд 13 настай охин амиа алдсан. Өнгөрсөн жил гэхэд л 32 настай
эмэгтэй зочид буудалд нас барсан. 2015 онд их сургуулийн хоёр оюутан зочид
буудалд өөрсдийгөө боомилж нас барсан хэрэг гарч байлаа. Нялх үрээ хүртэл зочид
буудлын өрөөнд хаяж байсан жигшүүртэй хэргийг бид одоо ч мартаагүй. Мөн амар
хялбар аргаар мөнгө олох гэж биеэ үнэлж байгаа тохиолдол гарсаар
байна. Тухайлбал, Энэ сарын 8-ны байдлаар 157 эмэгтэй саун, массаж нэрийн дор
биеэ үнэлж байсныг цагдаагийн байгууллагаас тогтоосон байна. Мөн эдгээр 157
эмэгтэйг хэсэг этгүүд биеийг нь үнэлүүлж байсныг илрүүлжээ. Эмэгтэйчүүдийн
биеийг үнэлүүлж байсан этгээдүүдэд хэрэг бүртгэл нээж, шалгалтын ажиллагаа хийж
байгаа юм байна. Тэднийг садар самуунтай тэмцэх тухай хууль болон
Зөрчлийн тухай хуулийн 6.18 заасан зүйл заалтыг зөрчсөн хэрэгт холбогдуулан шалгаж байна.

М.Мөнхшүр: Үйлчилгээний газрууд хуулиа мөрдөж
ажиллах хэрэгтэй байна

Цагдаагийн ерөнхий газрын хэвлэлийн төлөөлөгч,
мэргэжилтэн М.Мөнхшүрээс зарим зүйлийг тодрууллаа. Тэрээр ”Он гарснаас хойш шалгалтын ажиллагаа
явуулж байгаа. Энэ сарын 8-ны байдлаар 157 эмэгтэй саун массаж нэрийн дор биеэ
үнэлж байсныг тогтоосон. Эдгээр 157 эмэгтэйг хэсэг бүлгээр нь хувааж биеийг нь үнэлүүлдэг байсан этгээдийг илрүүлж,
хэрэг бүртгэл нээж шалгаж байна. Эдгээр этгээдүүд садар самуунтай тэмцэх тухай
хуулийг зөрчиж байна. Мөн Зөрчлийн хуулийн 6.18 заасан зүйл заалтыг зөрчиж
байна. Ер нь зөрчлийн тухай хуульд үл хүндэтгэх байдлаар хандаж байна.
Тухайлбал, нэгдүгээр сарын 19-21-ний хооронд шалгалт хийгээд, хаасан газрууд
хоёрдугаар сарын 4-5-ны өдрүүдэд шалгалт хийхэд үйл ажиллагаа явуулж байна. Иймээс
үйлчилгээний газрууд хуулиа мөрдөж ажиллах хэрэгтэй байна. Өмнө нь Эрүүгийн хуулиар
ял хүлээлгэж, гэм буруутай эсгийг шалгаж, саатуулдаг байсан. Харин одоо шинэ
хуулиар торгох арга хэмжээ авдаг. Сард нэг удаа торгосон иргэнийг дахин торгох
боломж байдаггүй. Цагдаагийн байгууллага мэргэжлийн хяналтын газар болон саун
массажны зөвшөөрөл олгодог газруудтай хамтарч таслан сэргийлэх арга хэмжээ авч
байна” гэв.

Насанд хүрээгүй долоон хүүхэд биеэ үнэлж
байсныг тогтоожээ

Эдгээр биеэ үнэлж байсан 157 эмэгтэйчүүдэд
хэрэг бүртгэл нээгээд шүүхийн шинжилгээний үндэсний хүрээлэнгээс шинжээч томилон
ажиллаж байгаа аж. Нэгдүгээр сарын байдлаар насанд хүрээгүй хүүхэд биеэ үнэлсэн байдал
тогтоогдоогүй. Харин хоёрдугаар сарын байдлаар насанд хүрээгүй долоон хүүхэд
биеэ үнэлж байсныг тогтоосон. Өнгөрсөн онуудад энэ төрлийн гэмт хэрэг буурсан
үзүүлэлттэй байсан байна. Харин зөрчлийн хууль хэрэгжиж эхэлснээс хойш энэ
төрлийн гэмт хэрэг өсчээ. Зөрчлийн хуулиар нэг иргэнийг сард 50 мянга төгрөгөөр торгох
эрхтэй. Иймээс зөрчил гаргасан иргэдийг дахин торгох боломж байдаггүй юм
байна.

Н.Алт