![\"\"](http://undesten.mn/wp-content/uploads/2018/02/1518147641_gazar.jpeg "\\"\\"")
Тайванийн Хуалиен хотын хойд хэсэгт 2018 оны хоёрдугаар сарын 6-ны өдөр газар хөдлөлт болсонтой холбогдуулан Монгол улсын Тайпэй дахь Худалдаа, эдийн засгийн төлөөлөгчийн газарт ажлын хэсэг байгуулан 24 цагаар ажиллуулж, шуурхай дуудлагын +886-2-27229740 дугаарыг олон нийтэд зарлаж ажиллажээ. Тус төлөөлөгчийн газар газар хөдлөлтийн бүсэд буй монгол оюутнуудтай холбоо тогтоож, тэднээс газар хөдлөлтийн төвд байсан Цу Чи их сургуулийн 4 оюутныг Тайпэй хотод өнөөдөр шилжүүлэн авчирч байрлуулаад байна. Хуалиен хотод нийт 31 монгол оюутан суралцдаг бөгөөд одоогийн байдлаар газар хөдлөлтийн бүсээс зайтай оршдог Дунхва их сургуульд суралцаж буй 13 оюутан аюулгүй байгаа ажээ.
Ж.Батдорж
![\"\"](http://undesten.mn/wp-content/uploads/2018/02/1518147905_undesten-site-logo.png "\\"\\""){kind=logo}
