Турк улсын Истанбул хотноо зохиогдсон 16 дахь удаагийн олон улсын тогооч нарын их наадам 2018 оны хоёрдугаар сарын 22-25-ны өдрүүдэд амжилттай зохион байгуулагдаж өндөрлөсөн билээ. Энэхүү арга хэмжээнд нийт 18 орны 2000 тогооч нар нийт 70 төрөлд өрсөлдсөн байна. Эх орноо төлөөлж манай улсаас 2 шүүгч, 23 оролцогч, 6 дэмжигч нарын бүрэлдэхүүүнтэй томоохон баг оролцож, багийн болон ганцаарчилсан дүнгээр алт 8, мөнгө 23, хүрэл 14 медаль хүртэж, 6 мастер тогооч олон улсын шүүгчийн сургалтанд хамрагдаж ганзага дүүрэн эх орондоо ирж байна. Тэд өнөөдөр 09:00 цагт Чингис хаан олон улсын нисэх онгоцны буудалд газардлаа.
