Авлигын эсрэг хуулийн 14 дүгээр зүйлийн 14.3 дахь хэсэгт заасан үндэслэлийн дагуу хуулийн үйлчлэлд хамрагдах албан тушаалтны хөрөнгө, орлогын мэдүүлэг нь Авлигатай тэмцэх газрын цахим мэдээллийн сүлжээнд байршигдах бөгөөд мөн хуулийн 14 дүгээр зүйлийн 14.4-т заасны дагуу цахим мэдээллийн сүлжээгээр дамжуулан мэдээлэл өгөх журмыг Авлигатай тэмцэх газар батлах хуулийн зохицуулалттай.
Дээрх хуулийг баримтлан тус газрын даргын 2012 оны 10 дугаар сарын 11-ний өдрийн 196 дугаар тушаалаар “Албан тушаалтны хувийн ашиг сонирхлын мэдүүлэг болон хөрөнгө орлогын мэдүүлгийн талаар мэдээлэх, мэдээлэл өгөх журам”-ыг баталсан.
Иймд дээрх хууль, журмыг үндэслэн Авлигын эсрэг хуулийн 14 дүгээр зүйлийн 14.1 дэх хэсэгт заасан нийт 236 албан тушаалтны 2017 оны хөрөнгө, орлогын мэдүүлгийн хураангуйг Авлигатай тэмцэх газрын Хacxom.iaac.mn цахим мэдээллийн сүлжээнд байршуулаад байна.
Тухайлбал, Ерөнхийлөгч Х.Баттулга жилийн 160 сая төгрөгийн орлоготой, гэр бүлийн орлого 31 сая, 912 сая төгрөгийн 1 орон сууцтай, 282 сая төгрөгийн Lexus,570 машинтай.
Ерөнхий сайд У.Хүрэлсүх жилийн нийт орлого 134962.43 гэр бүлийн гишүүдийн нийт орлого 2727.60, Орон сууц 2, Тээврийн хэрэгсэл Harley Davidson, Harley Davidson- 1, Lexus,570, Mercedes Benz, ML320 машинтай.
Харин УИХ-ын дарга М.Энхболд жилийн нийт орлого 118104.07, гэр бүлийн гишүүдийн нийт орлого 67660.73 Орон сууц 3 Тээврийн хэрэгслийн төрөл, тоо Toyota Land Cruiser 200 машинтай, 300 адуутай, хурдан удмын 60 адуутай.
