Америкт амьдардаг Chingis Gant гэдэг монгол залуу энгийн бөгөөд тун хялбар аргаар мах хатаан борцлох сонирхолтой арга бүтээснээ олон нийтийн цахим сайтаар түгээжээ. Түүний хувьд энэхүү төхөөрөмжөө энгийн хайрцаг болон сэнс ашиглан бүтээсэн байна. Тэрээр энэ талаараа бичихдээ, “Би борцонд дуртай ч АНУ-д тэр болгон олдодгүй тул борц хийдэг машинархуу юм хийчихлээ. Үхрийн мах 4-5 хоногт борц болж байна. Чимээ байхгүй, тог бараг идэхгүй, авсаархан шийдэл боллоо, би энэ шинэ машиндаа “Borts Maker” гээд нэр өгчихлөө. Амт бол яг л борц гэж хүмүүс магтаж байна. Борцтой цай, шөл ч бас янзын биз. Борцтой цай хийгээд уугаад сууж байна даа” хэмээн бичжээ.
