Манай зарим эмэгтэй дуучид дуулаад тийм ч хол явахгүй гэдгээ мэдэрдэг үү, элдэв маркетинг хэрэглэн өөрсдийгөө урлагаас холдуулсан ч олон нийтэд мартуулахгүйгээр аваад явчихдаг болсон. Тухайлбал, дуучин Нара, Номин, Ану гээд дурьдаж болно. Ану буюу Уранхолбоо л гэхэд таван охины ээж болсон бөгөөд тэрээр “Завгүй ээжийн өдрийн тэмдэглэл” нэр бүхий влогоо нээгээд удаагүй ч өөрийн хувийн амьдралаа дэлгэхийн сацуу чамгүй олон зүйл сурталчлаад явж байна. Түүний амьдралын замнал ч үргэлжилсээр, влогийг нь үзэгчид ч нэмэгдсээр.
Саяхан гэхэд түүний охидод “United Colors Of Benetton” дэлгүүр бэлэг барьж, 12 нас хүртэл нь хувцаслахаар болсноо дуулгажээ. Ийм бэлгэнд баярлахгүй хэн байх билээ. Баярласан Ану “Оройн мэнд гоё юм хэлэх үү? Та нартайгаа хуваалцахгүй байж чадахгүй нь ээ. Би бүүр охидынхоо өмнөөс баярлаад хөөрөөд үсрээд инээгээд, бүжиглээд одоо л нэг амьсгаа дарагдаж байна. Эгчийн маань Монголд оруулж ирсэн хүүхдийн эко сертификаттай “United Colors of benetton” брэнд 5 охиныг маань 12 нас хүртэл хувцаслахаа амлажээ. Ваав ямар гоё юм бэ тэ. Төрсөн цагаасаа эхлэн өмсдөг хүүхдүүдийн минь өмсөх дуртай брэнд, орж ирсэн цагаас нь тууштай үйлчлүүлж ирсэн надад бол үнэхээр гоё байна. Аливаад тууштай байсны хариу шагнал нэг л өдөр заавал ирдэг гэдэг. Гэхдээ энэ үгийг материаллаг байдлаар битгий ойлгоорой. Баярлалаа бүх зүйлд. Хайрт эгч Н.Оюунбат таньдаа хязгааргүй үргэлжлэх талархлыг гэр бүлийнхээ өмнөөс хүргэе. Таван охины хувцас гэж багагүй л юм болно. Би ч сүүлийн үед би яах вэ дараа нь болъё, охид минь л гэдэг болсон. Тэгсэн миний зулзагууд өөрсдөө дуртай хувцсаа бэлгэнд авах боллоо” хэмээжээ.
