Хар жагсаалтыг \”хайж байна\”

 

 

 Өнгөрөгч дөрөвдүгээр сард хуралдсан
Монголын залуучуудын холбооны V их хурлаас улс төрчдийг ангилах \”хар,
цагаан жагсаалт” гэгчийг гаргахаар болсон талаар мэдээлсэн билээ. Товчхондоо \”Хар
жагсаалт”-д багтсан улс төрч дахин сонгууль нэр дэвших эрхгүй болно гэж
тайлбарлаж байв. Нөгөө талаас олон нийтийн итгэлийг алдсан, хууль бус үйлдэл
хийсэн, төрийн өмчийг шамшигдуулсан, авлига хээл хахуульд нэр нь холбогдож
бохирдсон нөхдүүд ямар ч найраагүйгээр \”Хар жагсаалт”-д багтаж, ирэх сонгуулиар
нэр дэвших боломжгүй болно гэж ойлгогдож байлаа. Иргэдийн хувьд энэ жагсаалтад
хэнийг оруулах вэ гэдгээ аль эрт шийдчихсэн. Харин тэдний шийдвэр МЗХ-ны хар
жагсаалттай тохирох уу үгүй гэдэг хүлээлт үүсчихээд байгаа гэж хэлж болно.

 

Гэвч \”Хар жагсаалт”-ын бүртгэл хаана
хэрхэн явагдаад байгаа нь хэнд ч мэдэхгүйгээр сураг тасарчихлаа. Уг нь МЗХ-ны цахим хуудаснаа сонгуулийн насны
иргэд, залуусын саналыг 9 дүгээр сарын 28-ны өдрийг хүртэл авна гэж байсан.
Гэвч тус цахим хуудаснаас санал авах цэс, цонхыг олж чадсангүй.

Улс төрийн сонгуульд саналаа өгч
оролцох нь Монгол Улсын иргэн таны эрхэм үүрэг байдаг шиг \”Хар, цагаан жагсаалт”-д
саналаа нэмэрлэж, нэг талаас төр түшилцэх нөлөө бүхий эрхмүүд, нөгөө талаас нэр
хүндээ \”шороотой хутгасан” нөхдүүдийг нэрлэх нь улс төрийг эрүүлжүүлэхийн төлөө
таны оруулж буй томоохон хувь нэмэр болно хэмээн МЗХ-ноос мэдээлж байсан нь
саяхан. Гэвч энэ мэдээллээс хойш хагас жил өнгөрөөгүй байхад \”юун хар жагсаалт”
хэмээн мэлзэх нь л холгүй болж.

Хар, цагаан жагсаалтыг нийгэм даяар
дэмжсэн. Нийтлэлч Баабар гуай ч \”Хэрээг хэрээ л гэдгээс биш бүргэд гэж
өргөмжилдөггүй” нийтлэлээр дээрх хар, цагаан жагсаалттай утга нэг санааг
илэрхийлсэн. Тэгэхээр Монголд хар жагсаалт шиг хэрэгтэй юм алга. Харин
жагсаалтад хэний нэрийг хэрхэн бичих вэ гэдгээсээ хамаарч хэний үнэн зөв үү, улс төрийн захиалга уу гэдэг нь
тогтоогдоно.

Ер нь яг шударгаар бүртгэж, ангилбал одоогийн
76, дээр нь сайд, нийслэл, аймаг дүүргийн удирдлагууд гээд маш олон хүн хар
жагсаалтад багтах нь ойлгомжтой. Нөгөө талаас цагаан жагсаалтад орох хүн тун
ховор байх болов уу. Харин улс төрийн захиалга орчихсон явж байгаа бол бидний
таамаг тэс өөрөөр эргэж, хар жагсаалтыг тэргүүлэх ноёнтон цагаан жагсаалтад
толгой цохиж, энхийн цагаан тагтаа болчихсон явах вий дээ.

Ийм жагсаалт байснаас байгаа нь дээр.
Гэхдээ юу сэдэж анх энэхүү жагсаалтын тухай яриаг гаргасан гэдгийг нь мэдмээр
байна. Тиймээс л сураг тасраад буй хар жагсаалтыг хайж байна. Учир мэдэх хүмүүс
нь сураг гаргаад тайлбар хийнэ биз дээ.

Амар