АТГ-аас Н.Энхбаярыг Шадар сайдаар томилох боломжгүй гэж үзжээ

$\"\"$

АТГ-аас Н.Энхбаярын хувийн ашиг сонирхлын урьдчилсан мэдүүлгийг хянаж, хариуг нь Засгийн газрын Хэрэг эрхлэх газарт хүргүүлжээ.

Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 23 дугаар зүйлийн 23.6-д заасны дагуу АТГ нийтийн албанд томилогдохоор нэр дэвшсэн этгээдийн хувийн ашиг сонирхлын урьдчилсан мэдүүлгийг ажлын 10 өдөрт багтаан хянан үзээд тухайн албан үүргийг хэрэгжүүлэхэд ашиг сонирхлын зөрчил үүсэх эсэх талаар томилох эрх бүхий байгууллага, албан тушаалтанд мэдэгдэх чиг үүргийг хэрэгжүүлдэг.

Энэ дагуу Засгийн газрын Хэрэг эрхлэх газраас 2016 оны хоёрдугаар сарын 1-ний өдрийн ХЭГ/220 тоот бичгээр ирүүлсэн Монгол Улсын Засгийн газрын гишүүн-Шадар сайдын албан тушаалд томилогдохоор нэр дэвшсэн Н.Энхбаярын хувийн ашиг сонирхлын урьдчилсан мэдүүлгийг хянан үзээд, хариуг нь 2016 оны хоёрдугаар сарын 16-ны өдөр Засгийн газрын Хэрэг эрхлэх газарт хүргүүлсэн байна.

Албаны эх сурвалжийн өгүүлснээр АТГ-аас Засгийн газарт илгээсэн хариунд Н.Энхбаярыг Шадар сайдын албыг хаших боломжгүй гэсэн байна. Ингэснээр Н.Энхбаяр өөрийн МАХН-ын УИХ дахь гишүүдээрээ Засгийн газрын авруулсны хариуд Ерөнхий сайд Ч.Сайханбилэгээс Шадар сайдын суудал авах гэсэн тохироо нь бүтэлгүйтэж, Ч.Сайханбилэг болон түүний хүрээний цаад \”эзэн\” Ц.Элбэгдорж нарт муухай молигодууллаа. Н.Энхбаярыг улстөрд эргэн орж эрх мэдэлтэй болохоос үнэхээр их айж байгаа нь үүгээр дахин нэг батлагдлаа.

Төгс

$\"\"$

АТГ-аас Н.Энхбаярыг Шадар сайдаар томилох боломжгүй гэж үзжээ

Related Posts

Шинэ мэдээ