Шийдлийн Засгийн газар нэрээ “Шившгийн” болгож солих уу

Шийдлийн засгийн газрын тэргүүн
Ч.Сайханбилэг удтал хүлээлгэсний эцэст УИХ-аар нөхөн томилуулах 6 сайдын нэрсийг 9 сарын 4-ний өдөр УИХ-ын дэд дарга Р.Гончигдоржид өргөн барив. Ерөнхий сайдын өргөн барьсан албан бичигт:

 

Монгол Улсын Засгийн газрын
гишүүн, Монгол Улсын Шадар
сайдаар УИХ-ын гишүүн Цэрэндашийн
Оюунбаатар, Сангийн сайдаар УИХ-ын гишүүн Баярбаатарын Болор, Байгаль орчин, ногоон хөгжил, аялал
жуулчлалын сайдаар УИХ-ын гишүүн Намдагийн
Батцэрэг, Барилга, хот
байгуулалтын сайдаар УИХ-ын
гишүүн Зангадын Баянсэлэнгэ, Зам тээврийн сайдаар УИХ-ын гишүүн Мөнхчулууны Зоригт, Хөдөлмөрийн сайдаар УИХ-ын гишүүнГарьдхүүгийн Баярсайхан нарын
нэрсийг тус тус өргөн мэдүүлжээ.

 

 

Ерөнхий сайд Ч.Сайханбилэг хуулийн дагуу
сайдаар томилуулах эдгээр хүмүүсийг Монгол улсын Ерөнхийлөгчтэй
зөвшилцөх ёстой. Харин Ерөнхийлөгч дээрх нэр
бүхий гишүүдийг сайдаар томилох асуудлыг дэмжихгүй гэдгээ албан бичгээр
илэрхийлжээ.

 

Үнэндээ нөхөн томилох 6 сайдад нэр
дэвшсэн хүмүүсийг харахад Шударга ёс эвслийн Ц.Оюунбаатар, Н.Батцэрэг, АН-ын гишүүн Г.Баярсайхан нараас
бусад нь мэдлэг туршлага, ажлын чадвараараа нь сайд болоход \”дэндүү
жульдах хүмүүс байна. Ерөнхий сайд Ч.Сайханбилэг АН доторх фракциудын нөлөөллөөс
болж өмнө нь яригдаж нэр нь хэлэлцэгдэж
байсан хүмүүсээс улам дордуулсан нэрс оруулж иржээ. Тухайлбал:

Чингэлтэй
дүүргийн 17-р хорооны Засаг даргаар ажиллаж байснаа Н.Энхбаярын \”улаан
хамгаалагч” хийсний хүчинд намын жагсаалтаар УИХ-ын гишүүн болсон З.Баянсэлэнгэд Барилга
хот байгуулалтын салбарыг удирдуулна гэдэг энэ салбарыг зүгээр л зөнд нь орхихоос илүүтэй \”сөнөөнө” гэдэгтэй
утга нэг хэрэг гэж хэлэх хүмүүс олон байна. Гэр хорооллын хашаа байшинд амьдардаг
гэдгээ зарлан \”тунхагладаг” энэ хүн Барилга хот байгуулалтын сайд болоод
ажилтайгаа танилцах, дараа нь шийдвэр гаргах гэсээр байтал аль хэдийнээ сонгуулийн хугацаа тулсан байх бий. Гэхдээ учир
мэдэх хүмүүс З.Баянсэлэнгийн цаана МАХН-ын дарга Н.Энхбаяр энэ салбарын бодлогыг З.Баянсэлэнгээр
дамжуулан \”удирдах” юм байна гэдгийг төвөггүйхэн ойлгож суугаа.

 

Сангийн сайдад Б.Болор гишүүний нэрийг дэвшүүлжээ. Ерөнхий сайд Ч.Сайханбилэг түүнийг эдийн
засагч мэргэжилтэй гэдгээр нь онцлож Сангийн сайдад томилуулахаар нэрийг оруулсан бололтой. Гэвч Б.Болор гэж
хэн вэ? Түүнийг нэрийг сонсоод ийм нэртэй УИХ-ын гишүүн байдаг юмуу гэж хүмүүс дуу алдаж байна. Өнгөрсөн 3 жилд
Б.Болор гишүүн тоотой хэдэн удаа л УИХ-ын чуулган дээр дуугарсан байх. Ямар сайндаа
түүнийг Венесуелийн телевизийн \”Халтар
царайт” олон ангит УСК-ны хэлгүй Кароллатай адилтгаж байх вэ? Улс орны эдийн
засаг \”элгээрээ
мөлхөж” байхад эдийн засагч мэргэжилтэй, гадаад
дотоодод сургууль соёл төгссөн гэх Б.Болор гишүүн хаана байсан бэ? Тэрбээр
улс орныг эдийн засгийн хямралаас гаргах төсөл хөтөлбөр санаачилдаггүй юмаа
гэхэд УИХ дээр энэ талын асуудлын талаар дуугарсан тохиолдол хэд вэ?

Сайдад нэр дэвшигдсэн 3 дахь \”бүтэлгүй” хүн бол М.Зоригт гишүүн. Түүнийг
УИХ-ын гишүүний ажлыг чөлөөт цагаараа хийдэг
хүн гээд хэлчихэд нэг их хилсдэхгүй. Энд тэнд очиж сайхан хүүхний зураг
авч, твиттерт \”эротик” зураг жиргэдэгээрээ алдартай нэгэн. Түүний \”гоо зүйн” өвөрмөц энэ таашаалыг иргэд олон
нийт өдийг болтол ойлгож чадаагүй байгаа. Улс орны тулгамдсан асуудлыг
хэлэлцэхээс илүүтэй элдэв зураг дарж, твиттерт жиргэх \”донтой” энэ хүнээр Зам тээврийн салбараа удирдуулахаар
болжээ.

Үүний оронд олны дунд ядаж сайн
муугаар хэлэгддэг ч Үндэсний хэмжээний компанийг удирдаж байсан, улс төрийн
ажлын хариуцлага, туршлагаараа М.Зоригт гишүүнээс хувь илүү Г.Батхүүгээр энэ салбараа удирдуулсан бол ирэх сонгуулийн жилд АН-ын нэр хүнд өсөх төдийгүй АСЕМ-ийн шахуу
ажлууд хугацаандаа хэрэгжихэд тус нэмэртэй болох байсансан. Харамсалтай нь АН
доторх фракци хоорондын зөрчил Ерөнхий сайдад ийм боломж олгосонгүй
бололтой. Сонгууль хүртэлх жил хүрэхгүй хугацаанд М.Зоригт гишүүн Зам
тээврийн сайд болоод салбараа ойлгож, ажлаа хэрэгжүүлэх гэсээр байгаад хугацаа
алдах вий гэж хэлэх хүмүүс олон байна. Аргаа барахдаа зарим эх сурвалжууд
М.Зоригт гишүүн одоо төрийн ордны сайн дурын зурагчины ажлаа багасгаад Зам тээврийн салбарын ажил руугаа сэтгэл шулуудан ажиллах
байгаа даа гэж итгэл тавин хүлээж сууна.

 

Хэрвээ эдгээр хүмүүс сайдаар томилогдоод ажиллах юм бол
Ч.Сайханбилэгийн Шийдлийн гэх засгийн
газрыг Шившгийн засгийн газар гэж нэрлэж болох мэт.