Монгол Улс 50 жилийн дараа \”мөхөх\” үү

Гадаад хэл гадарладаг, интернэт орчинд гайгүй сайн аялчихдаг хүмүүс Монгол Улс мөхөж байгааг надаар хэлүүлэлтгүй мэдэж байгаа. Гаднын энд тэндхийн олон ч сайт, блог, хүмүүсийн хувийн постноос \”Монгол Улс мөхнө\” гэсэн баримттай бичвэрүүд ихийг харлаа. \”Монгол Улс мөхнө\” гэсэн энэ олон нийтлэлүүдээс нэг л дүгнэлтэд хүрсэн нь \”Эх орон маань 50-150 жилийн дотор мөхөх магадлалтай юм байна\” гэсэн бодол. Гэхдээ гаднын судлаачид нэг л зүйлийг онцолсон байсан нь \”Монгол Улс энэ янзаараа ингээд яваад байвал мөхөх нь тодорхой\” гэсэн нь тодоос тод санагдаж байна. 

Мэдээж Монголын газар шороо байхгүй болчихгүй, Монгол Улс, Монгол хүн, Монгол цус байхгүй болох тухай гаднынхан янз бүрээр дүгнэжээ. Гаднын олон ч судлаачийн үзэж буйгаар, Монгол Улс хойд, өмнөд гэсэн хүчирхэг хоёр хөршдөө уусах замаар алга болох аж. Тэгвэл Хятадын талыг илүү сонирхон судалдаг судлаачдын дүгнэсээр Хятад Улс Монгол Улсын 47 дугаар өргөргөөс өмнөх газар нутгийг ихээхэн сонирхож, байгалийн баялаг ихтэй энэ өргөргөөс доошхи газар нутгийг \”булааж\” авахыг хүсдэг гэнэ. Тэгвэл ОХУ-ын хувьд Монгол Улсыг бүтнээр нь өөрийн нэг бүрэлдэхүүн улсаа болгохыг нууцхан хүсдэг байна.

Энэ тухай ОХУ-ын гурав дахь том хүн, Гадаад хэргийн сайд Сергей Лавров ил цагаан мэдэгдэж байсан. ОХУ-ын Ерөнхийлөгч Владимир Путины үнэнч туслах, зүүн гар нь хэмээгддэг Сергей Лавров 2012 онд \” Монгол Улс 2014 онд ОХУ-ын нэг хэсэг болно\” гэж ил тодоор хэлж байсан нь хувь хүний бодрол гэхээсээ илүүтэй ОХУ-ын эрх баригчдын Монгол Улсыг өөрийн автонимит болгохыг хүсдэг гэж олон улсад ойлгогдсон. Тэгвэл Соёлын гавьяат зүтгэлтэн, нэрт сэтгүүлч Г.Золжаргал гуай Мүүний талаар өөрийн үзэл бодлоо илэрхийлэхдээ төгсгөлд нь \”50 жилийн дараа дуусах юм байна дөө\” гэж энэ янзаараа яваад байвал \”Монгол Улс мөхнө\” гэсэн гаднын судлаачдын итгэл түрүүлэм нийтлэлүүдтэй танилцсан хүний амнаас гармаар үгийг хэллээ. Ийм үг төрийн толгойд байгаа хэд хэдэн улстөрчийн амнаас хүртэл унаж л байсан. 

Эргэцүүлэл

Мүүний тухай ярьж байна. Оройтох шахсан байна шүү. Ингэж Цэрэн шиг ноцоогүй бол чимээгүй идээд л байх байж. Цөөвөр чоно жижигхэн ч, ноцсоор байгаад усны үхрийг унагаадаг. Бидэнд бас дутагдал байжээ. Харчихаад боргож, үргээж, баахан ээрч байгаад яваад өгчдөг. Ингэж ноцож байж унагаах ёстой юм. Ноцоод байвал арслан ч унадаг. 

За тэгээд худлаа магтаж баян болно, гоё болно гэж хөөрөгдсөн хэдэн хүн, хэдэн намын амаар явсан бид муруй байшин барьжээ. Одоо байшинд олон арван ан цав гарна. Ганц Мүүний асуудал биш. Анхнаасаа л хэдэн хүмүүс буруу фундамент тавьж баахан туйпуу зөөлгөсөн. Сонгууль бүрт итгээд л… гоё сууцанд орж жаргана гээд л. Тэрнийгээ Төр минь гээд хичнээн мөргөлөө. Хайран он цаг, хайран хугацаа. Хэдэн улс төрч баяжиж ядуус нь гадны үзэл санаанд идүүлж одоо хоорондоо үзэлцэх үлдлээ дээ. Муу толгойтой улсын хөл буруу тийшээ явчжээ… Анх Христийн тухай ярьж байхад Үндсэн хуулинд шашин шүтэх эрхтэй гэсэн юм. Юу гээд байгаа юм гэж байсан. Одоо хар.. гэе л дээ. За тэгээд энэ тухай их ярьж байгаа хүнийг намын даалгавартай, цалинтай, өш хонзонтой энэ тэр гэсээр бас эргээд ноцож унагана. Монгол өөрөө гадныханд зөөлөн ноцуулсаар тавин жилийн дараа дуусах юм байна л дөө. Хн.

Төгс

 

ShareTweet