Хөшөөг нь босгоно гэж явснаа мартаад хөлд нь \”дэгээ тавьдаг\” улс төр

 

Улс төр гэж үнэхээр муухай юм
аа. Саяхан шүтээд л \”түүнээс сайн хүнгүй” гээд л магтан дуулаад байсан хүмүүс
өнөөдөр \”Тэр бол авлигын загалмайлсан эцэг”, \”түүн шиг муу хүн байхгүй”, \”би
угаасаа муу хүн гэдгийг нь мэдэж байсан” гэгчлэнгээр буруутгаж, өөнтөглөж суух
боллоо.

 

Сонгууль дөхсөний шинж л дээ. Энэ
цаг үед олон нийтийн дургүй байгаа зүйлийг л хэн сайн ярьж чадна тэр л иргэдийн
талархлыг хүлээж, сонгуулиар оноо авна гэж боддог юм шиг байгаа юм. ГэвчМонголчуудыг хэтэрхий басамжилж, \”тэнэг” мэтээр бодож болохгүй л дээ. Учир нь
2012 оны сонгуулиар \”Манай намын дарга маш сайн хүн. Энэ хорвоо ертөнцөд
түүнээс сайн хүн үгүй”, \”Сайн хүнийг улс төрийн зорилгоор хэлмэгдүүллээ” гээд л
яриад явсныг нь эрх биш санаад байгаа шүү, \”тэнэг” сонгогчид чинь.

Гэтэл өнөөдөр шал өөр юм яриад
л \”тагтаа”-ны дүрд тоглоод л байх юм. Хэний тухай бичээд байгааг ойлгож байгаа
байлгүй.

Өдгөө УИХ-ын дэд дарга гэх
эрхэм албан тушаалыг хашч байгаа Л.Цог гэх эрхэм 2013 оны 4 дүгээр сарын 10-ны
өдөр Улс төрийн тойм сонинд \”Н.Энхбаяр даргад зориулж хөшөө босгохыг дэмжиж
байгаа” гэсэн ярилцлагыг өгч байж.

Тус ярилцлагад \”Н.Энхбаяр
даргыг тэр олон цагдаа хүчээр авч явах үед дотор нь байсан хүний хувьд би
хэлмэгдүүлэлт болсон гэж бодож явдаг юм… Хэрвээ манай Н.Энхбаярт зориулж
хөшөө босгох гэж байгаа бол дэмжинэ” гэгчлэнгээр ярьж байж. Гэтэл ингэж ярьж
байсан хүн өнөөдөр \”Би Н.Энхбаярын тухай худлаа хэлээгүй. Хүн гүтгэвэл хуультай
гэдгийг мэднэ. Н.Энхбаяр монголын \”авлигын загалмайлсан эцэг” гэгдэж явсан. Ийм
хүн дахиж төрд гарч болохгүй гэж бодсон учраас би хэлж байгаа юм. Би хэнээс ч
айхгүй, хэнд ч хориулахгүй. Өөр олон зүйл байгаа” хэмээн ярьж явна.

Хоёрхон жилийн өмнө \”бурхан мэт”
шүтэж явсан хүнээ одоо гэмт этгээд, загалмайлсан эцэг хэмээн хэлж, буруутгаж
яваа энэ хүний үйлдлийг юу гэж ойлгож болох вэ. Н.Энхбаяр сайн хүн биш ээ.
Гэхдээ л өөрийг нь түшсэн хүн \”хоосонгүй” гэдгийг жинхэнэ утгаар нь харуулж
яваа намын дарга. Намууд албан тушаалд хүрсэн хүнээсээ санхүүжилт шаардах нь
байдаг л асуудал юм шиг. МАК-ийн захирал Нямтайширын хүү Номтойбаяр л гэхэд
намдаа нэг тэрбум төгрөг хандивлаж байж дэд сайдын албан тушаалд томилогдож
байсан.

Тэгвэл Н.Энхбаярын болон
МАХН-ын буянд албан тушаалд томилогдсон бол эргээд хариутай л байх хэрэгтэй юм
шиг. Харин энэ нь гэмт хэргийн шинжтэй бол хуулийн байгууллагад өгч шалгуулах нь зөв. Үүнийг хууль бус уу үгүй юу гэдгийг шүүх тогтоох байлгүй. Гэтэл ийм зориггүй атлаа хэвлэлийн цаанаас \”барьж идчих\” гээд л. Саяхан \”долоох
шахаж байснаа одоо нулимж байгаа” ийм хүмүүс төрд түмний төлөөлөл болж чадах уу…

 

Амар