“Discover Mongolia” чуулганы суудал хоосорсоор

Олон улсын шинж чанартай, Монгол Улсад гадны хөрөнгө
оруулалтыг татах эрхэм зорилго бүхий \”Discover
Mongolia” чуулган
жил бүр зохион байгуулсаар байна.

Гэвч үр дүн нь улам л муудсаар. 2012 онд \”Discover
Mongolia” арга
хэмжээ /уул уурхайн чуулган/-д 1600 гаруй гадны төлөөлөгчид, хөрөнгө оруулагчид
ирж байж. Харин 2015 онд буюу саяхан болоод өнгөрсөн арга хэмжээнд 450 орчим
гадна, дотны төлөөлөгчид оролцсон гэх мэдээлэл байна. Гэхдээ шинээр хөрөнгө
оруулах хүсэлтэй бус харин өмнө нь хөрөнгө оруулчихсан төлөөлөгчид чуулганд
оролцжээ.

Өөрөөр хэлбэл
Монгол Улсад хөрөнгө оруулах хүсэлтэй иргэд, аж ахуйн нэгжүүд улам л цөөрсөөр
байна гэж эндээс харж болохоор.

\”Монгол Улсад хөрөнгө оруулна гэдэг маш эрсдэлтэй болсон”
хэмээн чуулганд оролцогчид онцолж байна. Улс төр, хууль тогтоомжийн тогтворгүй
байдал, популизмаас үүдэлтэй энэхүү хямралыг хэрхэн зогсоох арга ухаанаа манай
түшээд олж чадахгүй байсаар өнөөдрийг хүрч байна. Үр дүнд нь гадаад хөрөнгө
оруулалт 2014 онд 2 тэрбум 46 сая ам.доллар буюу 54.1 хувиар буурлаа. Харин 2015 оны эхний улирлын байдлаар хөрөнгө оруулалт долоон
жилийн өмнөхтэй адил болж буурчээ. Долоон жилийн өмнө буй 2008 онд гадны
хөрөнгө оруулалт 838.5 сая ам.долларт хүрч байж. Харин хөрөнгө оруулалтын оргил
үед буюу 2011 онд 4 тэрбум 620 сая ам.доллар орж ирж байжээ. Үүнээс хойш буурсаар
2014 онд 845 сая ам.доллар орж ирсэн байна. 2015 оны хөрөнгө оруулалтын дүнг
мэдээлэл болоогүй ч \”Discover Mongolia” чуулганы оролцогчдын үр
дүн, улс төрийн тогтворгүй байдал зэргээс хамаарч буурсан үзүүлэлт гарна
гэдгийг албаныхан онцолж байна.

Амар