Онгод сахиусынхаа нэрийг барьж эхнэрээ байнга зоддог залууг саатуулжээ

 

Манай Монголчууд эрт дээр үеэсээ бөө мөргөлөө сүслэн дээдэлж ирсэн ард түмэн. Сүүлийн үед онгод тэнгэрээ аван бөө болж буй хүмүүсийн тоо нэмэгдэх болсон. Гэвч сайны хажуугаар саййр гэдэгчлэн бөө мөргөлтэй холбоотой элдэв асуудлууд чих дэлсэх болсон билээ. Зарим нь жирийн хүнийг онгодтой хэмээн хуурж, мөнгө төгрөг нэхсэн, мөн элдэв зан үйл хийж байж амь насаараа хохирсон гэх мэдээлэл үе үе олны сонорт хүрдэг.

Тэгвэл энэ сарын 18-нд бөө гэх нэгэн залуу онгод орох бүртээ эхнэрээ зодож, хүчирхийлдэг. Эрүүл болохоороо тэрхүү үйлдлээ \” Онгод сахиусын буруу” хэмээн  ярьдаг залуу цагдаагийн байгууллагад саатуулагджээ.

Учир нь Монгол цэргийн баярын өдөр гэр бүлийн хүчирхийлэл үйлдэгдэж байгаа дуудлага цагдаагийн байгууллагад ирсэн байна. Энэ талаар СХД-ийн нэгдүгээр хэлтсийн саатуулах байрны эмч, цагдаагийн ахдах ахлагч З.Дорж \” 2016 оны гуравдугаар сарын 18-нд 22:30 цагийн үед Энхжаргалын Төрболд гэдэг хүн саатуулагдсан. Энэ хүн онгод сахиус нь орсон гээд бөөгийн хувцас чимэглэлээ өмчихсөн ирсэн. Энэ хүн онгод тэнгэр нь орох бүртээ эхнэрээ зоддог. Гэр бүлийн хүчирхийлэл үйлдэгдээд байна  гэсэн дуудлага ирсэн. Манайд бөөгийн өмсгөл чимэглэлтэй бөө хүн гэр бүлийн хүчирхийлэл үйлдэж байгаа тухай дуудлага нэг ч удаа ирж байгаагүй. Ийм дуудлага ирсэн анхны тохиолдол” хэмээн ярьж байна.

Дуудлагын дагуу очиход бөө гэх залуу эхнэрээ зодож, дарамталсан байдалтай байжээ. Дуудлагыг хажуу айлынх нь хүн өгсөн аж.

Бөө гэх тэр архи уух бүртээ гэр бүлдээ агсан согтуу тавьж, нялх биетэй эхнэрээ зодож, хэл амаар доромжилж хараал  жатга хийнэ хэмээн сүрдүүлдэг аж.  Иймээс эхнэр нь хоёр хүүхдээ аван нөхрөөсөө салж айлын хашаанд очиж, гэр барин амьдарч байгаа ч араас нь ирж дарамталж байгааг хохирогч эмэгтэй ярьж байна. Мөн тэрбээр нөхөртөө зодуулснаас хоёр хэнгэрэг нь хагарсан бөгөөд тухай бүрт хуулийн байгууллагад хандаж байжээ. Мөн шүүх эмнэлэгт гурван ч удаа хандсан байна.

Нөхрийнх нь тухайд жилийн өмнөөс онгоо аван бөө болсон гэнэ.

Иймээс бөө гэх нэрийг барин иргэдийг айлган сүрдүүлж, хэн нэгнийг хохирогч болгох гэмт хэргийн чанартай үйлдэл нийгэмд далдаар байж болзошгүй тул сэрэмжлүүлэг болгох үүднээс энэхүү мэдээллийг хүргэж буйгаа энэ ялдамд дуулгаж байна.

Buzznews.mn