Ц.Элбэгдорж. ПЛ, Ев.Лиги, NBA-г телевизээр хямд өртөгтэй үзүүлэхийн төлөө явна

$\"\"$

Спортын сэтгүүлч, \”2050” төрийн бус байгууллагын тэргүүн Э.Амарсайхан өнөөдөр Ерөнхийлөгчийн \”жиргээчидтэй хийх уулзалт\”-д оролцжээ. Энэ үеэр өөрийн бэлтгэж очсон дараах гурван асуултыг Ерөнхийлөгчөөс асууж амжсан байна.

1.Монголд багийн спорт, хөлбөмбөгийг хөгжүүлэх үүднээс аймаг бүрт ногоон талбай байгуулах ажлыг санаачилсан. Энэ ажил ямар.шатандаа явна вэ?

2.Суваг хаадаг, олуулаа хөлбөмбөг үзэж болдоггүй асуудлаар. Яагаад Путин шиг Матч ТВ-г Оросууд үзэж болхоор, Ши Жин шиг CCTV5-аар ард иргэд нь дэлхийн том спортуудыг үздэг тэр тогтолцоо боломжыг гаргаж болдоггүй юм бэ? Суваг хаахыг болиулаачээ!

3.Фанатууд дунд эргэлзээтэй нэг асуудал байна. Өөрөө яг аль багийн фанат юм бэ? Ман.Ютд л гэх юм, Барса л гэх юм…

Хариулт/товч/:

1. Би хөлбөмбөг гэдэг энэ спортын төлөө явна. Энэ ажлаа хийж байх үедээ ч энэ ажлаа өгсөн хойноо ч би энэ спортыг Монголд хөгжүүлэх тал дээр ажиллах болно гэдгээ дахин хэлье. Олон ажилууд санаачлагдаад эхнээсээ хийгдэж байгаа. Би МХБХ-ноос нэг л ззйлийг шаардаж байгаа. Тэр гаднаас орж ирж байгаа мөнгийг зохих ёстой юманд зориул, дансаа шилэн болго!

2. Одоо энэ ПЛ, Ев.Лиги, NBA гээд энэ том том тэмцээнүүдийг 10.000 гэнэ үү хүн л үзэж байна. Энийг олон нийтийн ТВ-ээр хямд өртөгтэйгөөр бүгдээрээ үзэх санал дээр би санал нэг байгаа. Энэний төлөө явна.

3. За би бол бүр анхнаасаа л Ливерпулийн фэн юм аа. Гэхдээ надад Италийн Лигээс гэхэд ч хардаг баг бий, Испанийн Лигээс ч хардаг баг бий. Монголд хөлбөмбөгийн академи байгуулах, од тоглогчийг авчрах тал дээр Интерт Коутиньотой ч ярьж байсан Ливерпулийн хэдтэй ч ярьж байсан.

Эх сурвалж: facebook.com/amarsaikhan.enkhboldbaatar