![\"\"](http://undesten.mn/uploads/posts/2016-03/1458879170_8ce0c905e362ae68big.jpg "\\"\\"")
\”Фэйсбүүк\”-ийн нэгэн хэрэглэгч өөрийн үзэл бодлоо ийнхүү бичжээ. Монгол Улсын жирийн нэгэн иргэний нүдээр Монгол орон минь ийм л байна.
Хотын дарга нэг өдөр тэргэнцэр дээр суугаад яваад үз. Маргааш нь нийгмийн даатгалын газар очоод дурын нэг хүнтэй хамт тэр ажлыг нь хөөцөлд, сайд дарга нар улсын бүртгэлийн газар, гаалийн бүрдүүлэлт дээр оочирлож байгаа хүмүүс дээр очоод нэг хүнтэй хамт ажлыг нь хөөцөлдөж үз, нэг ч утас цохиж танил тал ярихгүйгээр, дүүргийн дарга нар гэр хорооллоор нэг өдөр яваад үз, дэлгүүрт нь ор хэдэн цахим үнэмлэх барьцаанд байгааг асуу 3 кг будаа нэг 1кг махны төлөө,талханд барьцаанд тавьсан бичиг баримтгүй яваа иргэд ээ олж хар, агентлагийн дарга нар нэг өдөр 1-р эгнээгээр явдаггүй хувийн таксины жолоочийн кабинд суугаад ажил аа хөөцөлдөөд яваад үз.
Дараа нь биднийг удирдаж, амьдралыг зохицуулах захирамж журам аа ярь. Банк дээр оочир, гудамжны жорлонд ч оочир, замын түгжрэл дээр оочир, Нарантуулын үүдэнд ч оочирлож байна.
Жил өнжөөд хааяа нэг ирдэг хөдөөний иргэд, жуулчид битгий хэл өдөр бүр автобусанд суудаг хүн ч энэ байсхийгээд солигддог чиглэл дугаар үнэ тарифыг тогтоож мэдэж чадахгүй байна. Нэг ч автобус, нийтийн тээвэр явахгүй цагт үүрээр өвлийн хүйтэнд явган голдуу хөгшид хүүхдүүд галт тэрэгнээс хөшилдсөн утаанд саарал хотод бууж байна очоод хар.
Нэг өдөр өглөө эрт 5 цагт шинжилгээ өгөхөөр боссон өлөн гэдэстэй яваа өвчтэй иргэдтэйгээ хамт эмнэлгээр яваад үз. Дарга та бүхэн өөрийгөө амьдрал мэддэг гээд голохгүй л байгаа байх гэвч үгүй мөнгөтэй мөнгөгүй хүмүүсийн явах зам орох гарах газар өөр болсон та нар огт мэдэхгүй байна.
Гэртээ хүмүүжиж байгаа гэдэг сургууль цэцэрлэг завсардаж байгаа 100 мянга хол давсан хүүхдүүдийн шалтгааныг ол, нэг ангид 40, 50-уулаа байгаа ангид ороод үз, үнэрлэ. Өдрийн цайг нь хамт уу дараа нь бодлого ярь!
Залуу малчид 6 настай хүүхэд дотуур байранд ганцаараа сууж чадахгүйн улмаас бүгд сум бараадаж ажилгүй архичин саарал амьдрал залгаж, ямаагаа дэмждэг төрийн бодлогоор бэлчээр нь доройтож байна ! юу харж явна даа таминь дээ?
Дампуурч буй компаниудынхаа статистикийг хар! Одоо буцаад машины толь, хучлага хулгайлж дугуйгүй элгээр нь хэвтүүлдэг эрин үе рүүгээ буцаад орлоо юуных вэ?
![\"\"](http://undesten.mn/uploads/posts/2016-03/1458878708_logo.jpg "\\"\\""){kind=logo}
