БСШУС-ын сайд Ц.Цогзолмаагаас зарим зүйлийг тодрууллаа.

Миний хэлсэн үгийг монтажилсан байна лээ

МБШУ-ны ҮЭ-ийн холбооны дарга Ж.Батзоригоос зарим зүйлийг тодрууллаа.

Ажил хаялтыг зогсоохгүй

Багш нар ажил хаялт зарлаад хэд хоночихлоо. Яамнаас багш нарын  ажил хаялтын тал дээр ямар байр суурьтай байна вэ. Ажил хаялтыг зогсоох боломж байгаа юу?

– Өчигдрийн Засгийн газрын хуралдаан дээр энэ асуудлаар танилцуулга хийсэн. Өнөөдрийн байдлаар Монгол Улсын хэмжээнд 32 сургуулийн 3500 багш энэ ажил хаялтад оролцож байна. Ажил хаялтаас болоод хичээлд орж чадахгүй байгаа 90 мянган хүүхэд суралцах эрхээр хохирч байгаа. Иймээс энэ ажил хаялтыг зогсоох тал дээр хоёр талаас зөвшилцөж, ойлголцох шаардлагатай. Өчигдөр Засгийн газрын хуралдаан 14 цагт тарсан. Хуралдаанаа тараад 15 цагт үйлдвэрчний эвлэлийнхэнтэй уулзаад хоёр талаасаа ойлголцох байр сууриа илэрхийлсэн. Ажил хаялтаас хэн нэгэн хожоод байгаа зүйл байхгүй. Хүүхдүүд хохирч байна. Эцэг эхчүүд хүүхдээ харж, ажлаа таслах, хүүхдийг харах хүнгүй байх гэх мэт асуудал гарч байна. Нөгөө талдаа нийгэм бухимдал бий болж байна. Иймээс энэ асуудлыг хурдан шийдвэрлэх хэрэгтэй байгаа.

-Багш нар ажил хэдийн хүртэл үргэлжиллэх вэ. Өнөөдрийн байдлаар хэчнээн сургууль ажил хаялт нэгдсэн вэ. Засгийн газартай тохиролцоод ажил хаялтыг зогсоох боломжтой байгаа юу?

-Бид тавьж байгаа байр суурь дээр хатуу зогсох болно. Одоогийн байдлаар 70 гаруй сургууль цэцэрлэг ажил хаялтад нэгдээд байгаа. Бид шийдвэр хүртэл явна. Иймээс ажил хаялтыг зогсоохгүй.

-Зөвшилцөх эхний уулзалтаа хийчихсэн. Өнөөдөр 11 цагаас Засгийн газрын төвшинд буюу Засгийн газрын Хэрэг эрхлэх газрын дарга Г.Занданшатар МҮЭХ-той уулзах гэж байна. Энэ уулзалтаар тавьсан асуудлыг хэрхэн шийдвэрлэх талаар зөвшилцөн. Энэ зөвшилцөх уулзалтаар асуудлыг шийдвэрлэнэ. Ойрын хугацаанд ажил хаялтыг нааштай шийдвэрлэж, бодит ойлголцоонд хүрнэ гэсэн хүлээлттэй байгаа. Иймээс өнөөдрийн уулзалтын дараа шийдвэр тодорхой гарна.

– Өнөөдөр Засгийн газрын төлөөлөлтэй зөвшилцөх уулзалт хийх гэж байгаа гэсэн. Та нар энэ уулзалтаар зөвшилцөлд хүрэх болов уу?

-Одоо л уулзах гэж байна. Урьдчилж хэлэх боломжгүй. Бид тавьж байгаа байр суурь дээр хатуу зогссон. Бид дөрвөн жил  хуурагдсан. Одоо бол хуурагдахгүй.

-Та улсын хэмжээнд 270 сургууль байгаа гэсэн мэдээлэл хийсэн байна. Энэ асуудал дээр тайлбар өгөхгүй. Улсын хэмжээнд хэчнээн сургууль цэцэрлэг байдаг вэ?

-Миний хэлсэн үгийг монтажилсан байна лээ. Би Улаанбаатар хотын  сургуулийн тоог хэлсэн. Улсын хэмжээнд 817 сургууль, 790 мянга хүүхэд суралцаж байгаа. Нийслэлийн хэмжээнд ажил хаялт хийж байгаа. Иймээс нийслэлийн 270 сургуулиас 12 сургууль ажил хаясан байна гэж хэлсэн. Үүнийг монтажил гаргасан байсан. Энэ асуудалд нэг их эмзэглээд байх зүйл байхгүй.

Улсын хэмжээнд 1400 орчим цэцэрлэгт 260 мянган хүүхэд , 810 сургууль 790 мянган хүүхэд суралцаж байгаа. Хөдөө орон нутагт ажил хаялт хийгээгүй  байна.

-Орон нутгийн сургууль, цэцэрлэг ажил хаялтад нэгдэж байгаа. Тухайлбал, Сэлэнгэ, Орхон, Дорнод зэрэг аймгуудыг нэгдэж байгаа. Одоо гэсэн  аймгуудаас ажил хаялтад нэгдэх хүсэлтээ ирүүлж байна.