“Зөнөг Цэц”

Цэцийн
гаргасан энэхүү дүгнэлтийг УИХ дахь намын бүлгүүд дэмжиж, УИХ-ын Хууль зүйн
байнгын хорооны олонхийн саналыг авлаа. Одоо УИХ-ын чуулганы олонхийн санал
авах л үлдэж байх шиг байна. Уг нь чуулганаар хэлэлцэх ёстой байсан. Гэвч ирц
хүрэхгүй шалтгаанаар үдээс өмнөх хуралдаан цуцлагдлаа.

 

Хэрвээ чуулганаар цэцийн дүгнэлтийг
хүлээн авбал өмнө нь намын жагсаалтаар сонгогдсон гишүүдийн бүрэн эрх хүчингүй
болно. Мөн ирэх сонгуулиар ашиглах хуульдаа ч өөрчлөлт хийх шаардлага тулгарах
юм. Ямартай ч Цэцийн гаргасан дүгнэлт цаг хугацааны хувьд давчуухан, алдаа
дутагдал ихтэй, мөн маргаантай, эргэлзээтэй, ноотой асуудал ихтэй гэж харагдах
боллоо.

Тухайлбал, энэ өдрөөс яг дөрвөн
жилийн өмнө МАХН-ын нэр бүхий гишүүд, дэмжигчид/намын жагсаалтаар сонгогдсон
УИХ-ын гишүүн О.Баасанхүү ч байсан/ намын жагсаалтаар сонгогдох нь хууль зөрчиж
байна гэсэн гомдолыг Үндсэн хуулийн цэцэд хүргүүлж байж. Тухай үед цэц асуудлыг
хүлээн авч хэлэлцээд \”Үндсэн хууль зөрчөөгүй” гэсэн дүгнэлтийг гаргаж байсан
байх юм.

Зураг дээр дарж, гаргасан шийдвэртэй танилцах боломжтой

 

Гэтэл дөрөвхөн жилийн өмнө гаргасан
өөрсдийнхөө шийдвэрийг өнөөдөр өөрчилж, сонгууль болохоос хоёрхон сарын өмнө \”Үндсэн
хууль зөрчсөн байна” гээд л маргаан дэгдээгээд явж байх юм. Үндсэн хуулийн цэцэд ахмадууд
ажилладаг нь үнэн. Гэхдээ л дөрвөн жилийн өмнөхөө мартчихдаг \”зөнөг” залгасан
хүмүүс ажиллаж байгаа бол \”гай болоогүй дээр нь” эртхэн татан буулгавал яасан
юм.

Ер нь жагсаалтаар сонгогдох асуудлыг
\”хууль зөрчөөгүй” гэсэн шийдвэр гаргасан хуралдаан дээр Н.Жанцан, Монгол Улсын
Ерөнхийлөгч асан П.Очирбат гуай нар байж. Тэгсэн өнгөрөгч 22-ны өдрийн \”хууль
зөрчсөн” гэсэн шийдвэр гаргасан хуралдаан дээр тэд мөн л байж таарч. Тэгэхээр
энэ хоёр хүн нэг бол \”зөнөг”, нэг бол улс төрийн учир шалтгаантайгаар зориудаар
ийм ажиллагааг зохион байгуулж байна гэж үзэхээс аргагүйд хүргэлээ. Хууль зөрчсөн, алдаа дутагдал байгаа
бол засч залруулах нь зөв хэрэг. Гэхдээ л өмнө нь гаргасан шийдвэрээ өөрчлөөд л
ээрч муураад л яваа цэцийг яалтай билээ.

Үнэхээр зөнөглөж мартагнаад байдаг болчихсон юм бол тэтгэвэрт суулгаж, өөр сийрэг толгойтой хүнийг томилох хэрэгтэй. Харин нөгөө шалтгаан буюу улс төрийн зорилгоор ийм үйл ажиллагаа явуулж байгаа бол хуулийн дагуу шалгаж, хариуцлага тооцох шаардлагатай. 

 

А.Аюуш