Г.Батбаяр: Жүжигчин Б.Амраагийн бичлэг 16-20 жилийн ялтай онц хүнд гэмт хэрэг

 

 

Жүжигчин Б.Амарсайханыг \”Олон нийтийн амар тайван байдлыг алдагдуулж, оюун санааны хүчирхийлэлд өртүүлсэн\” үндэслэлээр эрүүгийн хэрэг үүсгэх үндэслэлтэй тухай мэдээлэл гарч эхэлсэн. Бичлэг цахим сүлжээнд цацагдаж нэлээд шуугиан тарьсан. Тус бичлэгийг УИХ-ын гишүүн Х.Баттулга захиалж хийлгэсэн гэх хардлага ч олны дунд төрсөн. Тэгвэл  \”Херо энтертайнмент”-ийн графикч Ц.Мөнх-Очир \”Амараагийн бичлэгийг МАН-ын захиалгаар манай студи хийсэн. Энэ асуудалд Х.Баттулга гишүүнтэй ямар ч холбоогүй. Х.Баттулга гишүүн бол зүгээр л манай нэвтрүүлгийн хөтлөгч” гэсэн мэдээллийг өчигдөр өгсөн юм.   Жүжигчин Амраагийн \”Би юу хийчихвээ” бичлэг хууль зөрчсөн  талаар өмгөөлөгч Г.Батбаяраас тодрууллаа. 

-Жүжигчин Амраагийн \”Би юу хийчихвээ” бичлэг хууль зөрчсөн үү. Тус бичлэгний гүйцэтгэгч нь Амраа, захиалагч нь МАН, харин бичлэгийг \”Hero Entertainment\” студи хийсэн гэсэн. Тэгэхээр хэн нь буруутай болох вэ?



–Эрүүгийн хуулийн 35 дугаа зүйлийн 5-д гүйцэтгэгч гэж байдаг. Харин тус зүйл ангийн 2 дугаар хэсэгт захиалагч гэж байдаг. Тэгэхээр МАН гэсэн эзэн биегүй хоосон биет бус харин мөнгийг шилжүүлсэн эрх бүхий албан тушаалтан шууд захиалагч болж, буруутан болно. \”Hero Entertainmment\” студи бол зохион байгуулагч болно. Бичлэгээ ингэж хийе гэсэн санааг гаргаж хийсэн байна. Өөрсдөө ч үүнийгээ өчигдөр хүлээн зөвшөөрлөө. Харин жүжигчин Амраа гүйцэтгэгч буюу хамжигч болно. Тэгэхээр гол буруутай этгээд гардан гүйцэтгэсэн Амраа болно. Амраа би жүжигчин хүн ажлаа л хийсэн гэж цайруулах шалтгаан байхгүй. Жүжигчин хүн будсыг гүтгэх гутаан доромжлох үйл явдалд оролцсон бол чөлөөлөгдөнө гэсэн хуулийн заалт байхгүй. Хүмүүсийн хандлага Амраа зөвхөн ажлаа л хйисэн гэж харж байгаа. Гэхдээ тэр хүн чинь эрх зүйн бүрэн чадамжтай. Тэр хүн юу хийж байгаа мэдэж байгаа. Очоод хүн алчих гэвэл алчих юм уу, тийм юм байхгүй. Хийж байгаа үйлдэлээ өөрөө ухамсарлаж байсан. Объякт эрх гэж  ард түмний тогтвортой оюун санаа. Олон нийтийн оюун санаагаар хэн дуртай нь ингэж тоглож болохгүй. Үндсэн хуульд заасанчлан үг хэлэх, хэвлэн нийтлэх эрхтэй гэж заасан байдаг. Гэхдээ энэ эрх бусдын эрхээр хязгаарлагддаг. Жүжигчин Амраа болон МАН, \”Hero Entertainmment\” студийнхэн юу хийж байна гэхээр сонгуулийн өмнө хаашаа ч гуйваж болохгүй хүний эрх рүү халдаж байна. Энэ эрх хүү халдсанаараа энэ өөрөө гэмт хэрэг болно.

Эрүүгийн хуулийн 82-д заасанчлан сонгуулийн хуулийг будлиантуулж, сонгогчдын эрхэнд халдах нь өөрөө 16-20 жилийн ялтай онц хүнд гэмт хэрэг.

Мөн бусдыг доромжилж байна. Ах нар та нарыг гуйлагчин болгочихлоо гэж хэлээд байна ш дээ. Энэ өөрөө гүтгэж байна. 

Хэрвээ энэ хэргийг шалгах юм бол жүжигчин Амраа болон МАН мултрах аргагүй.Ганцхан \”Hero Entertainment\” студийнхэн мултрана. Яагаад гэхээр энэ бичлэгийг хийсэн гэдгээ сайн дураараа илчилсэн учраас мултарч, чөлөөлөгдөнө. 

–Тус бичлэг сонгуулийн хууль зөрчсөн үү?

Зөрчсөн. Сонгуулийн хуулинд бусдыг гутаах, доромжлохыг хориглосон байдаг. Сонгуульд оролцож байгаа этээдүүд баримтгүй зүйлсээр олон нийтийн санал бодлыг татах гэж оролдож байна. Сонгогчдын эрхийг эд хөрөнгө шан харамж амлах замаар татах гэж байна. 

-2012 онд АН-ын захиалгаар мөн \”Намайг Амраа гэдэг” гээд бичлэг хийсэн. Тухайн бичлэг гэмт хэргийн шинж агуулаагүй юу?

-Тэр үед бол зөвхөн ардчилалыг магтсан. Найрсаг аргаар магтсан учраас болно гэж хуулинд заасан байдаг. Ард түмнийг айдаст автуулж болохгүй. Ард түмнийг хэн ядуу болгочихоод байгаа юм. Ц.Элбэгдорж уу, Ч.Сайханбилэг үү, энэ нь нотлогдоогүй байгаа. Гэтэл та нарыг ядуу болгосон хүмүүс чинь \”ах” нар ш дээ гээд зурагтай нь гаргаж байна. Энэ нь шүүхээр тогтоогдоогүй байгаа учраас  гэмт хэрэг болчихоод байна. Доромжлох, гутаан доромжлоод байна. АН-ын захиалгат бичлэгээс харахад МАН-ыг юм уу хэн нэгнийг муулаагүй байхгүй юу. 

-Одоо тэгэхээр хэн гомдол гаргаж энэ хэргийг шалгах юм бэ?

-Эрх бүхий байгууллагууд шууд шалгах эрхтэй. Хэн нэг нь гомдол гаргах хэрэггүй.