Сонгууль дөхөөд гэнэт \”амилсан сайн хүмүүс\”

 

 

Сүүлийн хэдэн сар бараг л нулимс дуслах шахав. Төр засаг, өндөр
албан тушаалтан, мөнгө эрх мэдэлтэй хүмүүс гэнэт бидэнд хайртай болж
орхилоо. Хэзээ ч төсөөлж байгаагүй \”Цаг авч уулзья” гэдэг санал хүртэл
ирэв. Өмнө нь олон цагаар гаднаа хүлээлгэн, өөрийнхөө төлөө биш хүүхдийн
төлөө ажил ярья гэхэд үүднийхээ туслахад даатгаад зугтан одсон хүмүүс
гэнэт тэр ажлын чухлыг өнөөдөр мэдэрч эргээд бидэн руу залгаж эхлэлээ.
Зүгээр л кофе ууя гэдэг дарга нар мэр
сэр гарч ирэв. Тэд нар угаасаааа яааааг 4 жилийн турш бүр зүгээр л
бидэнтэй кофе уумаар санагдаж хүсэж явсан гэдэг. Хэзээ ч тэдний амнаас
гарч байгаагүй \”Хүүхдийн эрх, хүчирхийлэл, хүний наймаа” гэдэг үгс
хэвлэлээр нэг үзэгдэх болов.

Монгол улсын хойч ирээдүй бол \”Хүүхэд” юм
аа гэдэг агуу нээлтийг дор бүрнээ олж мэдэв. Хороон даргаасаа эхлээд
хүнд сурталтай Монгол улсын төр гэнэт хамгийн уян хатан болж хэлсэн үг
бүрийг бичиж авах нь холгүй уриалгахан болов. Гайхаж цочсондоо бүр
хэнийг ч хамаагүй тэвэрч үнсээд, уярч уйлаад \”Та нар минь хаана явав
даа, өнгөрсөн 4 жил та нарын дотор чөтгөр шүглэчихсэн байсан, ингэхэд ер
нь мэдсэн үү тэр муу хүмүүсийг ?” гэж мэлмэрүүлмээр болов. Одоо удахгүй
тэд бидэнд бөөнөөр нь захидал илгээж том жижиг бүх самбарыг \”Ард
түмэндээ хичнээн их хайртай гэдгээ батлах” уралдаанаар чимнэ. Хэдэн
арван эмнэлэг цэцэрлэг барих мөнгөөр цаас хэвлэж, нэвтрүүлэг бэлдэнэ.
Угтаа тэд нар бүгдээрээ нэг нэг номын зохиолч байсан нь мэдэгдэнэ, энэ
жил магадгүй хамгийн их мод тарих байх. Ихэнхи ном нь аав ээж, бага
насны дурсамжаар эхлэнэ, эрхбиш тэрийгээ санадаг юм байгааз. Үлдсэнийг
нь харин хэн бичдэг юм бүү мэд. Нүүрэн дээр нь хамгийн добрий царай
шахсан зурагнуудаа хэвлүүлэн хайнга хайнга өөр зүг руу харж пооз авна.
Бидний татварын мөнгөөр хийсэн ажлаа \”Би ийм юм хийчихлээ” гэж эзэнд нь
саймширна. Чи хийхгүй тэгээд хэн хийх юм малаа, үхсэнээ гайхуулаад
байгаа юм гээд загнахад хүртэл тэр хүмүүс тэвчээртэй нь аргагүй сонсоно
гээч. Энэ үедээ тэд хамгийн даруу, хамгийн тэвчээртэй, хамгийн үлгэр
жишээ хүмүүс байх болно.

Наадам болдгоороо болно. Наадам болох тэр өдрүүдэд \”Ялалтын баяр” давхар
тохионо. Зун хэн ч ажил хийхгүй. Жихүүн намрын салхи салхилж хаа нэг
согтуу хүмүүс холхиж хороон байр эл хуль … Тэр үед бид хийж ирсэн ажлаа
үргэлжилүүлэн хийсээр хороон дарга дээр очиж л таарна. 4 жилийн өмнөх
явдал давтагдан хороон дарга ярвайн ширвэцгээнэ. Ажил хийх ямар ч
сонирхолгүй авах, олох мөрөөдлөө зурна. Энэ үед \”Хүүхэд, хүчирхийлэл”
ярьсан тэнэг хүмүүс орж ирвэл хэн нэгэн туслах руугаа чулуудна. Нэг шат
ахиад дүүрэг уурлана, дахин нэг өгсөөд \”Газар” цэхэлзэнэ, өөдөө харвал
яам нулимна. Ард түмний амьдрал явдгаараа л явна, ахиад 4 жилийн дараа
ажил эхлэнэ. Одоо сайн юм хийгээд энэ тэнэгүүд сүүлд нь санахгүй ээ,
ойртуулж байгаад хэдэн юм тараая ! Энэ бол тэдний биднийг хардаг өнцөг.

Зарим хүмүүс мартдаг байх, харин би бол бусдын төлөө ажилд саад болсон
нэг ч даргыг мартаж үзээгүй. Одоо тэд сайн хүний дүрд тоглоцгоож л байг !

 

Эх сурвалж: Фэйсбүүк