Э.Бат-Үүл хүүгийнхээ оффшорт \”мөнгө байдаг юм бол огцоръё\” гэв

 

 

Ингэж хэлэхийн учир манайд нэр нь тодорсон 40 гаруй оффшортонгууд оффшор
компани бий, оффшор данс ч бий гэхдээ мөнгө байхгүй, ямар нэгэн гүйлгээ
хийгээгүй гэх зэргээр мэлзэж, үгүйсгэж байна. Учир нь, дэлхий нийтэд
танилцуулсан оффшорын мэдээлэлд тэр овогтой тэр нь оффшортой компанитай гэхээс
түүнийхээ дансад хэдэн төгрөгтэй талаар нэг ч мэдээлэл байхгүй байгаа юм.
Тиймээс зарим улстөрчид миний оффшор дансанд мөнгө байхгүй, алив нотлоодох,
байвал би огцроё, бараг л үхье, барьсан ч алзахгүй шүү гэх зэргээр үнэнхүү
томордог болж. Угаасаа улстөрчид хол явахгүй худал хэлдэг хор нь танигдчихаад
байгаа. Сүүлдээ бүр \”бантсан хүн балайрна” гэдэгчлэн Д.Батбаяр гэдэг хүнд
оффшор байсан. Харин Кёкшүюзан гэдэг хүнд оффшор байхгүй гэж хэлэв. Угтаа бол
эд нэг хүн. Түүнчлэн Д.Батбаяр нь ч бай, Кёкшюүюзан нь ч бай энэ нэг хүнд
хоёрын зэрэг оффшор компани байгааг олон улсын сэтгүүлчид илчилсэн. Гэсэн ч
Даваагийн Кёкшүюзан Батбаяр гэдэг хүнд оффшор байдаггүй гэв. Учрыг лавлатал Даваагийн
Батбаяр гэдэг хүн ийм нэртэй байхаа болиод Даваагийн Кёкшүюзан Батбаяр гэдэг
нэртэй болчихсон аж.

 

Энэ мэтчилэнгээр балайрагсад, томрогсод эцсийн хариултыг
нь өгөх цаг нь болжээ. Э.Бат-Үүл даргын хувьд хүүгээ оффшор компанитай байсныг
мэдээгүй гэсэн. Гэсэн ч эрх мэдэлтнүүд өөр дээрээ биш үр хүүхэд, ах дүү, амраг садан,
хань ижлийнхээ нэр дээр оффшор данс нээлгэсэн байдаг нь илрэнгүүт хүүгийнхээ
оффшор компанид данс байгаад
тэрүүгээр нь нэг мөнгөний гүйлгээ хийгдсэн байдаг юм бол би
хотын даргын албан тушаалаасаа огцорьё хэмээн хэлэв. Одоогийн нөхцөл байдлаар бид үүнийг нотлох боломжгүй.
Гагцхүү Засгийн газрын хэмжээнд олон улсын сэтгүүлчдэд хандвал хотын даргын хүү
Б.Чулуудайн \”Стратеги Майнинг Инк” хэмээх их л айхтар стратегитэй гэмээр уул уурхайн компани данстай, данс нь мөнгөтэй байсан уу
гэдгийг мэдэх боломжтой. Оффшор компани, оффшор данс нээхэд нэлээд өндөр үнэтэй
байдаг гэх. Тиймдээ ч хэр баргийн хүн оффшор компани байгуулаад, данс нээлгээд,
хувьцаа эзэмшээд байдаггүй гэнэ. Саяхан Лондонд оффшорын асуудлаар дээд
хэмжээний уулзалт боллоо. Уулзалтаас оффшортонгууд бол эх орноосоо урвагчид.
Тэд дансандаа 0 төгрөгтэй /доллартай/ байсан ч ялгаагүй эх орноосоо урвагчид
мөн хэмээх дүгнэлтийг хийлээ. Түүнчлэн энэ бол хэтрүүлэг биш далд эдийн засгийн
ноцтой аюул хэмээн тодорхойлов.

Учрыг ухтал,
хууль бус, хулгайн мөнгө байршдаг бүсэд татвар төлөхгүйгээр мөнгө нуух нь эх
орноосоо урвасан явдал аж. Түүнчлэн компани байгуулж, хоосон ч гэсэн данс
нээлгэсэн нь л бол тэр нь өөрөө татваргүйгээр мөнгө нууж эх орноосоо урвах
гэсэн гэмт хэргийн завдалт гэнэ. Энэ дүгнэлтээр Оффшор данстангууд бол эх орноосоо урвагчид оффшор дансгүй, данс нь мөнгөгүй байлаа ч оффшор компани байгуулсан гэдгээрээ
Б.Чулуудай эх орноосоо урвагч мөн болж таарч байна. Мөн тэрбээр мөнгө
татваргүйгээр нууж эх орноосоо урвах гэмт хэрэг үйлдэхийг завджээ. Энэ бол
илэрсэн нөхцөл байдал дээр хийсэн олон улсын эрдэм шинжилгээний зөвлөгөөний
дүгнэлт. Цаашлаад данс нээлгэсэн, дансандаа мөнгөтэй байсан, компанийнхаа хаяг
дээр эх орноосоо өөр орон тэмдэглэсэн, эх орноосоо нэг орны харьяат болгосон
зэргийг юу гэж дүгнэхийг мэдэхгүй юм. Лав л эх орноосоо урвагчаас долоон доор
гэгдэх байх, долоон янзын тодотгол угтварыг эх орноосоо урвагч гэдгийн өмнө
бичих байх. Тэгэхээр хол явахгүй худал үгээр \”лалартах” уу, үхэр тэрэг туулайг
гүйцтэл хүлээх үү, яах уу. Эрх биш албан тушаалтнууд худлаа ярьдаггүй,
хариуцлагаа хүлээдэг тийм эрүүл саруул улстөр рүү явах цаг нь болсон доо.