Долоо хоногийн онцлох фотод “цагаач” Монгол эмэгтэйн зураг багтжээ

 

 

\”NBC
news” агентлагийн ээлжит \”7
хоногийн фото” буланд Монгол эмэгтэйн зураг багтжээ. Тус агентлаг дэлхийн
шилдэг хэвлэл мэдээллийн байгууллагуудын зургуудаас сонгож 7 хоногийн онцлох
фотогоо гаргадаг бөгөөд 5 сарын 12-19-ний фото буланд багтсан 14 зургаас
заримыг нь танилцуулья.

1. 5
сарын 17. Дэлхийн хамгийн том зорчигч тээврийн хөлөг онгоц \”Harmony
of the Seas” болон түүний
замаас байдаг чадлаараа холдож буй \”Svitzer Alma” усан онгоц

 

 

 

 

 

2. 5
сарын 19. Шри-Ланкад хүчтэй аадар бороо орсны улмаас гурван ч тосгон уулнаас урсч
ирсэн шавар, хөрсний нуралтад дарагджээ. Олон зуун хүн сураггүй алга болж, 18
хүн амь үрэгдсэн нь тогтоогдоод буй энэ байгалийн гамшгийн дараа ойр дотнынхоо
хүмүүсээ харуулдаж буй настай эмэгтэй.

 

 

 

 

 

 

3. 5
сарын 17. АНУ-ын Аннаполис дахь Эмэгтэйчүүдийн Тэнгисийн явган цэргийн академи.
Шинээр элсэгчид бэлтгэлийн үеэр. Жил бүр анхны жилдээ суралцаж буй энэ мэт
эмэгтэйчүүд өдөрт 14 цаг биеийн болон оюуны хүнд бэлтгэл сургуулилт хийдэг.

 

 

 

 

4. 5 сарын 16. Кенийн нийслэл Найроби
хотын төвд авлига болон эрх баригчдын нөлөөнд автсан, нэг талыг барьсан сонгуулийн
ерөнхий хорооны удирдлагуудыг огцрохыг шаардсан сөрөг хүчний дэмжигчид эцэстээ
цагдаагийнхны резинэн сум, нулимс асгаруулагч хийн бөмбөгнүүдээс зугтаж байгаа
нь.

 

 

 

 

 

 

5. 5 сарын 14. Сирийн Идлиб мужийн
Маарет аль-Нуман хотод сурагчид дайны сэрэмжлүүлэг дохиогоор ширээн доороо орж
байгаа нь.

 

 

 

 

 

 

6. 5
сарын 17. Кенийн нийслэл Найроби хотын ядуусын хорооллын нийтийн орон сууцны дүр
төрх. Энд энэ сард үүнтэй адил зургаан давхар барилга нурсны улмаас 51 хүн нас
баржээ. Үүнтэй холбогдуулан судалгаа явуулахад нурах эрсдэлтэй 250 гаруй
барилга бий гэсэн дүн гарсан бөгөөд үүний нэгэнд нь энэ залуу зогсч байна.

 

 

 

 

 

7. 5
сарын 17-нд энэ зургийг Ассошейтэд Пресс агентлаг дэлхий нийтэд цацжээ. Энэ
зургийг тус агентлагийн гэрэл зурагчин 4 сарын 20-нд Нидерландын Хаарлем хот
дахь \”Де Коепел” хэмээх хуучин шоронгийн сагсны талбайд авчээ. Тэнд Монголын
цагаач, 40 настай Баатарын Наран ганцаар хоригдож байжээ. Нидерландад гэмт
хэрэг буурснаар шоронгууд эзэнгүй болж, татан буугдаж эхэлсэн байна. Гэвч
Европ гаднын цагаач нарын хөлд дарагдсаар байгаа. Үүнтэй холбоотойгоор хааяа
нэг хууль зөрчсөн цагаач нар хоригдох нь бий. Хүний эрхийг дээдэлдэг, дэлхийн
хууль шүүхийн төвүүд байдаг Голландад ийнхүү эзэнгүй шоронд хүн орсон нь маш
ховор тохиолдол бололтой зургийг нь авч, онцолжээ.

 

 

 

 

Төгс