АНУ-ын ерөнхийлөгчийн сонгуульд Бүгд найрамдах намаас нэр дэвшиж буй тэрбумтан Дональд Трамп өөрийн амжилтын баярыг McDonald’s-ын хамбургер, төмсөөр тэмдэглэсэн байна. Улстөрчийн энэхүү үдийн хоолны зураг түүний сонгуулийн кампанит ажилд зориулсан Instagram хуудсанд нийтлэгджээ.
Түүний энэ зураг олон нийтийн сүлжээний хэрэглэгчдэд ихээхэн таалагдсан бололтой. Тэдэнтэй эв санааны нэгдэлтэй байгаагаа илэрхийлснийх нь төлөө түүнд саналаа өгөх болно хэмээн зарим хэрэглэгчид бичсэн байна.
Харин зарим нэг нь улстөрч эрхмийг эрүүл бус хүнс хэрэглэж байна гэж шүүмжлэлтэй хандаад байгаа аж.
Дашрамд өгүүлэхэд, Дональд Трамп ерөнхийлөгчийн сонгуульд цуглуулах ёстой хангалттай саналаа авч, Бүгд найрамдах намаас дэвших эрх авсан цор ганц өрсөлдөгч болсон баяраа ийнхүү фаст фүүдээр тэмдэглэсэн байна.
Эх сурвалж: ZONE.MN
