СЕХ -ны эхний сорилт

МАХН-ын нэр
дэвшигчид хүчин төгөлдөр үү ? Хуульд зааснаар намууд нэр дэвшигчдээ энэ сарын 23
наас тав хоногт багтаан тодруулах байв.
Энэ дагуу сонгуульд оролцох батламж
авсан нам, эвслүүд энэ сарын 27-нд хуралдаж
хуулийн хугацаанд буюу 00.00
цагаас өмнө нэр дэвшигчдээ тодруулсан юм. Харин 23.00 цаг өнгөрөөж эхэслэн.
МАХН-ын Бага чуулган үүрийн 05.00 цагт нэр дэвшигчдээ тодруулна. Нэг үгээр
хэлбэл, МАХН-ынхан Сонгуулийн хуулийг баримталсан бол МАХН-ынхан МАН, АН-ын
адил 00.00 цагаас өмнө нэр дэвшигчдээ тодруулаж зарлах учиртай байсан юм.
Хачирхалтай нь, АН, МАН-ын нэр дэвшигчид тодрохыг хүлээж, хэнийгээ хаана нэр
дэвшүүлэх тактик баримталсан МАХН-ын энэ удаагийн үйлдэл өөрсдийг нь сонгуульд
оролцож чадахааргүй байдалд оруулаад
байна. Үүнээс улбаалж Сонгуулийн ерөнхий хороо МАХН -ын нэр дэвшигчдэд батламж
олгох эсэх нь ч эргэлзээтэй юм. Хуулиа дагавал, Сонгуулийн төв байгууллагад улс
төрийн ямар нэгэн нөлөө орчихдоггүй л юм бол МАХН-ын нэр дэвшигчдийг
батламжлахгүй. Энэ нь зүйлд нийцнэ.

Харин 2012 оных шиг
МАН-ыг саналыг хуваах замаар УИХ-ын сонгуульд ялалт байгуулна гэж
АН-ынхан үзвэл, бас нөлөөлбөл МАХН-ын нэр дэвшигчдийг Сонгуулийн ерөнхий хороо
бүртгэж, батламж олгоно. АН-ын дарга З.Энхболд, МАХН-ын дарга Н.Энхбаяр
нарын \”нөхөрлөл\” ч холбогдох байгууллагын шийдвэрээс илүү тодорч
болох. Гэхдээ хууль хэрэгжүүлэх учиртай байгуулага нь Сонгуулийн хуулиа зөрчиж, МАХН -ын нэр дэвшигчдийг
бүртгэвэл асуудал үүсэх нь тодорхой. Ийм шийдвэр гаргасан гэдэг
үндэслэлээр сонгуулийн ерөнхий хороог
татан буулгах яриа ч улс төрийн хүрээнд хөндөгдөж мэдэх. Тиймээс Сонгуулийн
ерөнхий хорооны шийдвэр ирэх өдрүүдийн гол сэдэв болох бололтой. Сонгуулийн ерөнхий
хороо МАХН -ын нэр дэвшигчдийг адислах эсэхийг
харах л үлдлээ. Тэд хэн нэгний захиалгаар ажилладаггүй , хуулиа баримталдаг нь үнэн л
юм бол Сонгуулийн хууль зөрчсөн МАХН -ын нэр дэвшигчид энэ удаагийн сонгуулийн
өнжих нь тодорхой билээ. эндээс харахад МАХН -ын нэр дэвшигчид хүчин төгөлдөр,
хууль ёсных гэдгийг тогтоохоороо СЕХ эхний сорилттойгоо тулгарч байна. Тэднийг хууль зөрчсөн эсэх нь энэ
өдрүүдэд эс бөгөөс ирэх сарын 7-нд тодорхой болно.

Эх сурвалж: Үндэсний шуудан