Дараагийн дэд сайдууд “хэн бэ”

Засгийн газар бүрдлээ. Одоо цаг алдалгүй ажлаа гүйцэтгэх ёстой болоод
байна. Гэхдээ л зарим халаа сэлгээ хийгдэх нь ойлгомжтой. Сайд яам толгойлохын
тулд өөрийн багийг бүрдүүлнэ. Энэ нь өмнөх сайдын багт байсан албан тушаалтнууд
чөлөөлөгдөнө гэсэн үг юм.

 

Дэд сайдаас эхлээд Төрийн нарийн бичгийн дарга, газар, хэлтсийн дарга нар
солигдох нь тодорхой. Тэгвэл таван яамны дэд сайдыг томилох асуудлыг өнөөдөр
Засгийн газрын хуралдаанаар хэлэлцэнэ хэмээн эх сурвалжууд мэдээлж байна.

Хоёр долоо хоногийн өмнө МАН-аас томилогдсон дэд сайд нарыг үүрэгт ажлаас
нь чөлөөлсөн. Тэдний оронд АН болон \”Шударга ёс” эвслийн бүлгийн дэд сайд нар
томилогдох ёстой. Хоёр нам дэд сайдуудаа тэнцүү буюу гурав, гурваар нь хувааж
авах тохироог гэв. Харин хоёр дэд сайдтай яам болох БШСУ-ны яамны нэг дэд
сайдын суудлыг ИЗНН-д өгөхөөр болсон тухай мэдээлэл байна.

Дэд сайд нарын нэрс тодорхой болоогүй байгаа ч таамаг дэвшүүлээд эхэллээ.
АН-аас Дархан-Уул аймгийн АН-ын дарга Н.Мөнхдаш, Дорнод аймгийн АН-ын дарга
Н.Цэрэнчимэг, Хөвсгөл аймгийн АН-ын дарга Ч.Батцогт нарыг нэрийг дэвшүүлсэн бол
МАХН-МҮАН-ын \”Шударга ёс” эвслийн бүлгээс Эрүүл мэндийн сайд асан Н.Удвал,
МАХН-ын нарийн бичгийн дарга Ц.Шаравдорж, МҮАН-ын Ерөнхий нарийн бичгийн дарга
Б.Цогтгэрэл нарын нэрийг дэвшүүлж байгаа хэмээн дуулдав.

\”Шударга ёс” эвслийн бүлгээс
дэвшүүлж буй дэд сайдуудын нэрс өөрчлөлт гарахгүй бол АН-ын дэд сайд нарын нэрс
өөрчлөгдөх магадлалтай. Үүнээс гадна ИЗНН-аас дэд сайдын нэг суудал дээр нэлээд
ширүүхэн өрсөлдөөн бий болоод байгаа аж. Тодруулбал намын дарга Ц.Ганхуяг,
ИЗНН-ын Төрийн байгуулалт, хууль зүйн асуудал хариуцсан Нарийн бичгийн дарга
Р.Булгамаа, ИЗНН-ын Улс төрийн зөвлөлийн гишүүн З.Ган-Очир нарын нэрс яригдаж
байгаа юм байна.

Ямартай ч хэн хэн дэд сайд болж, зургаан яаманд ямар өөрчлөлт, халаа сэлгээ
хийгдэх нь энэ долоо хоногт тодорхой
болох болов уу гэж таамаглаж байна. Дэд сайдаас гадна Төрийн нарийн бичгийн
дарга хэмээн чухал албан тушаал бий. Уг нь Төрийн нарийн бичиг хэмээх албан
тушаалтан нь төрийн жинхэнэ албан хаагч байдаг. Төрийн жинхэнэ албан хаагч нь
улсын төрийн намаас ангид байх ёстой. Гэвч төрийн албаны тухай хууль энд үргэлж
зөрчигдсөөр байдаг билээ.

МАН-аас томигдсон Хөдөлмөрийн яам, Зам тээврийн яам, Байгаль орчин, ногоон
хөгжил, аялал жуулчлалын яамны Төрийн нарийн бичгийн дарга нар чөлөөлөгдөх нь
тодорхой. Энэ сургаар дараагийн Төрийн нарийн бичгийн дарга нар хэн байх вэ гэсэн
таамгууд ч бичигдэж эхэллээ. Тодруулбал, Замын тээврийн яамны Төрийн нарийн
бичгийн даргаар П.Галиндэвт яригдаж эхэллээ. Түүнийг АН-ыг шинэчлэх хөдөлгөөний
зохицуулагч гэдгээр нь сайн мэдэх болоод байгаа.

Амар