Өнөөдөр болох зарим үйл явдлын хураангуй
08:00 цагт
СТӨ-нд Төрийн шагналт, Ардын уран зохиолч Ш.Сүрэнжав гуайтай салах ёс гүйцэтгэх ёслол болж байна.
11:00 цагт
Монгол тамирчид авто спортын “олимп” гэгддэг “Дакар ралли” уралдааны UTV ангилалд хурд сорих гэж байгаа талаар мэдээлэл хийнэ.
Төрийн ордон
10:00 цагт: “Оны онцлох хүүхэд”-ээр шалгарсан хүүхдүүдэд батламж гардуулах үйл ажиллагаа Төрийн ордоны Ёслол хүндэтгэлийн танхимд эхэлнэ.
10:00 цагт: Улсын Их Хурал дахь Монгол ардын намын бүлгийн хуралдаан “Жанжин Д.Сүхбаатар” танхимд болно.
Улсын Их Хурал дахь Ардчилсан намын бүлгийн хуралдаан “Их Эзэн Чингис хаан” танхимд болно.
14:00 цагт: Хөрөнгө оруулалтын банкны тухай хуулийн төсөл болон хамт өргөн мэдүүлсэн зарим хуулийн төслүүдийг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Эдийн засгийн байнгын хорооны ажлын хэсгийн хуралдаан “Г” танхимд болно.
14:00 цагт: Хэмжил зүйн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Эдийн засгийн байнгын хорооны ажлын дэд хэсгийн хуралдаан “В” танхимд болно.
