“…АНУ-ын агаар, сансар судлалын үндэсний төв НАСА сансрын уудамд аварга том “Хаббл” дуранг хөөргөж, од гаригсын зургийг авах болсоор 20 гаруй жилийн нүүрийг үзээд буй.
Гэвч НАСА авсан зураг, цуглуулсан бүх мэдээллээ хүн төрөлхтөнд үзүүлж дэлгэхийг хүсдэггүй бололтой. Тэдний нууцын зэрэглэлд хамаардаг мэдээллээс Бурхдын хотын зураг алдагдсан нь өдгөө сансар судлалд жинхэнэ дуулиан тариад байна.
Хэдэн жилийн өмнө “Хаббл” дуран манай дэлхийгээс 1 тэрбум км орчмын зайд манан дунд орших нэгэн нууцлаг обьектийг илрүүлж, зургийг нь дарсан аж. Тэрхүү өвөрмөц бүтэцтэй, гялалзсан зүйлийг тодруулж, компьютерийн тусламжтайгаар гурван хэмжээст оруулахад аварга том байгууламж, тэр дундаа хот болох нь тодорхой харагдсан гэнэ…” гэж цахим хуудаснаа мэдээлж байна. Үнэхээр НАСАН биднээс мэдээллээ нуусан уу. Эсвэл хэн нэгэн хошигнож, гэрэл зураг эвлүүлэв үү?
